15.12.2025 | 21:13
Ալիևը համաներում է նախաձեռնում. այն կվերաբերի ավելի քան 20,000 մարդու
Ո՞ր դեպքում մարտական զենք կկիրառվի ցուցարարների դեմ․ Բելառուսի ՆԳ նախարարը պարզաբանել է
Քաղաքականություն
28.10.2020 | 17:35
Բելառուսի Ներքին գործերի նախարար Յուրի Կարաևը , մեկնաբանելով չարտոնագրված ցույցերի մասնակիցների հանդեպ իրավապահ մարմինների կողմից մարտական զենքի հնարավոր կիրառումը, հայտարարել է, որ դիվերսիաները, ահաբեկչություններն ու ուժայինների վրա հարձակումները պետք է դադարեցվեն բոլոր միջոցներով։
«Մարտական զենքը նախ և առաջ կիրառվում է հանցագործների գործողությունները կանխելու համար, երբ մնացած բոլոր մեթոդները սպառվել են։ Եվ ոչ մի սարսափելի բան չկա այդ հայտարարության մեջ»,- ասել է Կարաևը քաղաքագետ Ալեքսանդր Սոսնովսկուն տված հարցազրույցում, գրում է ՌԻԱ Նովոստին։
Նախարարն ընդգծել է, որ ոչ ոք չի ասել է, որ մարտական զենքը կկիրառվի խաղաղ ցուցարարների դեմ ՝ առանց տարբերակումներ դնելու։
«Մարդը դիվերսիա կամ ահաբեկչական ակտ է իրականացնում։ Հարձակվում է ոստիկանության աշխատակցի վրա։ Ոչ միայն դիմադրում, այլ նաև բռնություն է կիրառում ոստիկանության հանդեպ։ Բնականաբար նրան պետք է կանգնեցնել ոստիկանության աշխատակիցների սպառազինության հնարավոր բոլոր միջոցներով՝ ֆիզիկական ուժից մինչև մարտական զենք»,- նշել է Կարաևը։
Տաթև Ֆռանգյան
