02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Կրեմլում գնահատել են Ղարաբաղի շուրջ բանակցություններին Թուրքիայի մասնակցության անհրաժեշտությունը
Քաղաքականություն
27.10.2020 | 14:22
Լեռնային Ղարաբաղի հակամարտության շուրջ բանակցություններին Թուրքիայի մասնակցության հարցում կարևոր է միայն երկու հակամարտող կողմերի՝ Հայաստանի ու Ադրբեջանի տեսակետերը․ միայն նրանք կարող են համաձայնություն տալ կամ ցանկություն հայտնել այս կամ այն պետության մասնակցությանը հակամարտության կարգավորման գործընթացին։ Այս մասին հայտարարել է ՌԴ նախագահի խոսնակ Դմիտրի Պեսկովը, գրում է ՌԻԱ Նովոստին։
«Այստեղ կարևոր է միայն երկու երկրների տեսակետը, նկատի ունեմ հակամարտող կողմերի, այսինքն՝ Ադրբեջանի ու Հայաստանի տեսակետը։ Քանի որ միայն հակամարտող կողմերը կարող են համաձայնություն տալ կամ ցանկանալ այս կամ այն պետության մասնակցությանը հակամարտության կարգավորմանը»,- ասել է Պեսկովը՝ պատտասխանելով լրագրողների հարցին՝ արդյո՞ք Կրեմլում կարծում են, որ Թուրքիան պետք է ավելի շատ ներգրավված լինի հայ-ադրբեջանական բանակցություններին։
Տաթև Ֆռանգյան
