07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Կատալոնացի ակտիվիստը ՀՔԱ Վանաձորի գրասենյակում ներկայացրել է Կատալոնիայի ներկա քաղաքական վիճակը. ՀՔԱՎ
Քաղաքականություն
21.12.2017 | 11:30
2017 թ. դեկտեմբերի 16-ին ՀՔԱ Վանաձորի գրասենյակը հյուրընկալել էր կատալոնացի ակտիվիստ Նեուս Ռոսելին: Նեուսը վերջին շրջանում Կատալոնիայում ընթացող քաղաքացիական շարժման մասնակիցներից է:
Նա ներկայացրեց Կատալոնիայի պատմությունը՝ հիմնադրումից մինչև «Երեսնամյա պատերազմ», որը, Նեուսի խոսքով, շրջադարձային է եղել Կատալոնիայի պատմության մեջ:
Անդրադարձ կատարեց նաև 20-րդ դարում Կատալոնիայի համար նշանակալից իրադարձություններին՝ Միգել Պրիմո դե Ռիվերայի դիկտատուրա, Իսպանական 2-րդ հանրապետություն և Ֆրանսիսկո Ֆրանկոյի դիկտատուրա:
2000-ականների սկզբից Կատալոնիայում քաղաքացիական շարժման համատեքստում Նեուսն անդրադարձավ 2014-2016 թթ. Կատալոնիայի անկախության հարցով հանրաքվեներին:
