27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Այս փուլում դիվանագիտական լուծման մասին խոսելը անհնար է․ վարչապետ. ՏԵՍԱՆՅՈՒԹ
Քաղաքականություն
21.10.2020 | 16:14
Մենք պետք է գիտակցենք, որ Ղարաբաղի հարցը գոնե այս փուլում և այս փուլից սկսած՝ դեռ բավականին երկար ժամանակ դիվանագիտական լուծում չունի: Այս մասին այսօր ֆեյսբուքյան ուղիղ եթերով ասել է ՀՀ վարչապետ Նիկոլ Փաշինյանը:
«Բոլոր այն հույսերը, առաջարկները, մտածումները, թե պետք է դիվանագիտական լուծում գտնել, առավելևս այս իրավիճակում պետք է համարենք ավարտված: Ինչո՞ւ. մենք բազմիցս ենք ասել, որ հարցը փոխզիջումների տարբերակով լուծելու պատրաստակամություն ունենք: Փոխզիջում նշանակում է, որ քո դրած նշաձողից, ասենք ազգային նշաձողից, կարող ենք ինչ-որ բան նվազեցնել հանուն լուծման, պայմանով, որ դիմացինն էլ իր առավելագույն նշաձողից ինչ-որ բան պետք է իջեցնի: Բայց պրակտիկան ցույց է տվել, և դա իրականություն է, որ այն, ինչ այս տրամաբանությանմեջ ընդունելի է հայկական կողմի համար, այլևս անընդունելի է Ադրբեջանի համար: Այսինքն՝ նրանց ողջ դիվանագիտական մարտավարությունն ու ռազմավարությունը եղել է դա:
Այն, ինչի հետ մենք համաձայն ենք կամ կլինենք, դրան արդեն Ադրբեջանը համաձայն չէ: Սա ցույց է տալիս, որ ընդհանրապես, որևէ դիվանագիտական լուծման մասին խոսելն անիմաստ է առնվազն այս փուլում»,- ընդգծեց Փաշինյանը:
