09.02.2026 | 23:09
V-BAT հետախուզական ԱԹՍ-ը՝ Հայաստանում. Պապիկյանը՝ ՀՀ-ԱՄՆ համագործակցության մեկնարկի մասին
Իրանում մեկ օրում կորոնավիրուսից ռեկորդային թվով մարդ է մահացել
Քաղաքականություն
19.10.2020 | 19:09
Կորոնավիրուսի համաճարակի մեկնարկից ի վեր առաջին անգամ Իրանում մեկ օրում մահացել է ավելի քան 300 մարդ։ Այս մասին հայտարարել է երկրի Առողջապահության նախարարության պաշտոնական ներկայացուցիչ Սիմա Սադաթ Լարին, գրում է ՌԻԱ Նովոստին։
Կորոնավիրուսից մահացածների նախորդ առավելագույն թիվը եղել է 279 դեպք։
Առողջապահության նախարարության ներկայացուցիչը նշել է, որ անցած 24 ժամվա ընթացքում բացահայտվել է կորոնավիրուսային հիվանդության 4․251 նոր դեպք, մահացել է 337 մարդ։
Իր հերթին ԻԻՀ Առողաջապահության նախարարության պաշտոնյաներից Հեյդար Մոհամմադին հայտնել է, որ Իրանը միացել է COVAX նախաձեռնությանը, որը կոչված է միջազգային մակարդակով ապահովել կորոնավիրուսի դեմ պատվաստանյութի հասանելիությունը։ Նրա խոսքով՝ Թեհրանը հերթագրվել է պատվաստանյութի գնման համար։
Տաթև Ֆռանգյան
