02.04.2026 | 12:17
Գործակալը հաստատել է, որ «Բարսելոնան» հետաքրքրված է եղել Էդուարդ Սպերցյանի ծառայություններով
Վոլգոգրադում չեզոքացված ահաբեկիչների համակարգումն իրականացվել է Սիրիայի տարածքից
Քաղաքականություն
15.10.2020 | 18:22
Ռուսաստանի Վոլգոգրադ քաղաքում կասեցված «Քաթիբա Թաուհիդ վալ-ջիհադ» միջազգային ահաբեկչական կազմակերպության գործունեության համակարգումն իրականացվել է Սիրիայի տարածքից: Այս մասին տեղեկանում ենք Ռուսաստանի Անվտանգության դաշնային ծառայության տարածած մամուլի հաղորդագրությունից:
Զինյալները ծրագրել էին թիրախավորել իշխանության մարմինների շենքերը, զինծառայողների բնակության վայրերը և պայթյունավտանգ ձեռնարկությունները:
Ավելի վաղ հայտնել էինք, որ Ռուսաստանի Անվտանգության դաշնային ծառայությունը Վոլգոգրադում կանխել է «Քաթիբա Թաուհիդ վալ-ջիհադ» միջազգային ահաբեկչական կազմակերպության գործունեությունը։
«Ձերբակալության ժամանակ խմբավորման ղեկավարն ու նրա հանցակիցը, փորձելով Վոլգոգրադում նախապես կահավորված թաքստոցից հանել ահաբեկչական միջոցները, զինված դիմադրություն են ցույց տվել ՌԴ Դաշնային անվտանգության ծառայության աշխատակիցներին ու արդյունքում չեզոքացվել են»,- հայտնել էին գերատեսչության հասարակայնության հետ կապերի վարչությունից։
