Քաղաքականություն
14.10.2020 | 10:48
Ադրբեջանի ու Թուրքիայի արտգործնախարարներ Ջեյհուն Բայրամովն ու Մևլյութ Չավուշօղլուն հեռախոսազրույց են ունեցել։ Ինչպես հայտնում են Ադրբեջանի ԱԳՆ-ից, վերրջիններս քննարկել են Լեռնայի Ղարաբաղի շուրջ ստեղծված իրավիճակը, փոխանցում է ՏԱՍՍ-ը։
«Նախարարները կարծիքներով են փոխանակվել տարածաշրջանում ստեղծված իրավիճակի շուրջ»,- ասվում է հաղորդագրության մեջ։
Նկատենք, որ երեկ ՌԴ պաշտպանության նախարար Սերգեյ Շոյգուն հեռախոսազրույց էր ունեցել իր թուրք գործընկերոջ՝ Հուլուսի Աքարի հետ։ Շոյգուն իր մտահոգությունն էր հայտնել ԼՂ-ում տիրող իրավիճակի ու տարածաշրջան Մերձավոր Արևելքից տեղափոխված ահաբեկիչների պատճառով։
