19.09.2026 | 17:03
Ռուբեն Ռուբինյանը դասային աստիճան է շնորհել
Ռուսաստանն ուժերի ներածին չափով անում է ամեն ինչ, որպեսզի կրակի դադարեցման ռեժիմը պահվի. դեսպան. ՏԵՍԱՆՅՈՒԹ
Քաղաքականություն
12.10.2020 | 15:48
Վարչապետ Նիկոլ Փաշինյանի՝ արտախորհրդարանական ուժերի հետ հանդիպումից հետո Կառավարության շենքում տեղի ունեցավ վարչապետի հանդիպումը Հայաստանում հավատարմագրված դեսպանների հետ։
Հանդիպումից հետո լրագրողների հետ զրույցում մանրամասներ ներկայացրեց ՀՀ-ում ՌԴ դեսպան Սերգեյ Կոպիրկինը։
«ՀՀ վարչապետը տեղեկացրեց ստեղծված իրավիճակի մասին, տվեց իր գնահատականներն այն ամենին, ինչ տեղի է ունենում, ինչ քայլել են ձեռնարկում տարբեր կողմերը և իր շնորհակալությունը հայտնեց ԵԱՀԿ Մինսկի խմբի համանախագահներին, մասնավորապես՝ ՌԴ նախագահին՝ կրակի դադարեցման ուղղությամբ ձեռնարկած քայլերի համար»,- ասաց ՌԴ դեսպանը։
Նա հայտարարեց, որ պետք է հասնել նրան, որ կողմերը հետևեն Մոսկվայում ձեռքբերված պայմանավորվածությունների կատարմանը․ «Ռուսական կողմը մեծ ջանքեր է գործադրում, որպեսզի կողմերը հետևեն այդ պայմանավորվածությունների կատարմանը։ Ռուսական դիվանագիտությունը, մասնավորապես՝ Վլադիմիր Պուտինը մեծ ջանքեր են գործադրում, որպեսզի կրակը դադարեցվի»։
ՀՀ-ում ՌԴ դեսպանը նաև հավելեց, որ Նիկոլ Փաշինյանի հետ Լեռնային Ղարաբաղում խաղաղապահնենրի տեղակայման հարց դեռևս չի քննարկվել։
Մանրամասները՝ տեսանյութում։
