08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
ՄԱԿ ԱԽ-ն այսօր կարող է վերանայել Երուսաղեմի կարգավիճակի հարցով նախագիծը
Քաղաքականություն
18.12.2017 | 11:33
ՄԱԿ-ի Անվտանգության խորհուրդն այսօր՝ դեկտեմբերի 18-ին՝ ժամը 10-ից, մերձավորարևելյան կարգավորման վերաբերյալ կանոնավոր հանդիպում կանցկացնի, սակայն հանդիպման արդյունքներով կարող է դիտարկվել բանաձևի նախագիծը, որն անվավեր է ճանաչում Երուսաղեմի կարգավիճակի փոփոխումը, հայտնում է RIA Novosti-ն։
Մերձավորարևելյան կարգավորման խնդիրը, ներառյալ պաղեստինյան հարցը, ԱԽ-ն դիտարկում է ամեն ամիս։ Իրավիճակի վերաբերյալ զեկույցով հանդես է գալիս ՄԱԿ-ի հատուկ համակարգող Նիկոլայ Մլադենովը։ Սակայն ՄԱԿ-ում Ճապոնիայի մշտական ներկայացուցչությունում հայտնել են, որ ԱԽ որոշ անդամները կարող են ելույթ ունենալ Երուսաղեմի հարցով, եթե ցանկանան բարձրացնել այդ հարցը։
Հիշեցնենք, որ դեկտեմբերի 6-ին ԱՄՆ նախագահ Դոնալդ Թրամփը հայտարարել էր Երուսաղեմը՝ որպես Իսրայելի մայրաքաղաք ճանաչելու իր որոշման մասին. «Ես որոշեցի, որ հիմա է Երուսաղեմը՝ որպես Իսրայելի մայրաքաղաք պաշտոնապես ճանաչելու ժամանակը»:
