Ալիևը պատասխան է տալու իր ստերի համար․ Ադրբեջանի ժողովրդին մեծ հիաթափություն է սպասում․ Անուշ Բեղլոյան․ ՏԵՍԱՆՅՈՒԹ

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Factor.am-ի հարցազրույցը ՀՀ ԱԺ «Իմ քայլը» խմբակցության պատգամավոր, արտաքին հարաբերությունների հանձնաժողովի անդամ Անուշ Բեղլոյանի հետ

– Տիկի՛ն Բեղլոյան, այսօր Մոսկվայում Հայաստանի և Ադրբեջանի արտգործնախարարները խորհրդակցություններ են անցկացնում։ ՌԴ նախագահ Վլադիմիր Պուտինն է Հայաստանի և Ադրբեջանի ԱԳՆ ղեկավարներին հրավիրել Մոսկվա։ Այս բանակցությունների օրակարգը ո՞րն է։

– Ինչպես հայտնել է ԱԳՆ մամուլի խոսնակը՝ այս բանակցությունները վարվելու են բացառապես հումանիտար հրադադարի, դիակների, գերիների փոխանակման հարցերի շուրջ։

– ՌԴ նախագահ Վալդիրմիր Պուտինը, որ խոսել էր երկու երկրների ղեկավարների հետ, կոչ է արել դադարեցնել ռազմական գործողությունները՝ զոհերի մարմինների ու գերիների փոխանակման նպատակով։ Ինչ եք կարծում՝ կողմերը կբավարարվե՞ն միայն այս օրակարգով, թե՞ կարող է խոսք գնալ ընդհանրապես կրակը դադարեցնելու մասին։

– Դա մենք կտեսնենք հետագա զարգացումներից, ինչպես նաև հետագայում կարելի է հետևություններ անել՝ դիտարկելով, թե ինչպես կպահպանվի այդ հրադադարը։ Այս պահին մենք չենք տեսնում դեռևս լիակատար հրադադար, և Պաշտպանության նախարարության կողմից պարբերաբար ստանում ենք տեղեկություն, որ ադրբեջանական կողմը շարունակում է կրակը հայկական դիրքերի ուղղությամբ։ Այնպես որ՝ այս պահին, կարծում եմ, բանակցությունները կսահմանափակվեն այդ օրակարգով։ Բազմաթիվ անգամ մեր կողմը հայտնել է, որպեսզի այլ բանակցություններ լինեն՝ ավելի շոշափելի և էական հարցերի շուրջ, մեզ համար պարտադիր է առաջին հերթին Ադրբեջանի կողմից առհասարակ հարձակման և հայատյաց հռետորաբանության դադարեցումը, ինչպես նաև արտասահմանյան ահաբեկիչ խմբավորումներին այդ շրջանից հեռացնելը, ինչը մեզ համար սկզբունքային է։ Որևէ էական կարգավորման վերաբերող կամ այլ բանակցություններ հայկական կողմը չի պատկերացնում և չի պատրաստվում վարել։

– Ադրբեջանի նախագահը, կարծես, իր իսկ խոսքերի գերին դարձած լինի՝ խոստումներ է տվել իր ժողովրդին, որոնցից գլխավորն Արցախն ազատելն է հայերից և Ադրբեջանի կազմ մտցնելը։ Այսպիսի կոշտ հայտարարություններ երբ արվում են պատերազմի փուլում, արդյո՞ք հեշտ կլինի Ալիևի համար հրաժարվել այդ հրապարակային պահանջներից։

– Շատ լավ հասկանում եմ Ձեր հարցի ենթատեքստը։ Այո՛, Ալիևը, որպես երկրի ղեկավար, կորցնում է իր լեգիտիմությունը՝ ինչպես երկրի ներսում, այնպես էլ արտասահմանում։ Մենք ապրում ենք արբանյակային հետախուզության և դիտարկումների աշխարհում, և այդ արբանյակային դիտարկումները հասանելի կլինեն նաև Ադրբեջանի հանրությանը, հիմա հասանելի են ամբողջ աշխարհին։ Արձանագրվում են արբանյակային լուսանկարների կողմից շատ փաստեր և ցույց են տրվում։ Գոյություն ունեցած փաստերն ի հայտ են գալիս և Ադրբեջանի ժողովրդին սպասվում է շատ ուժեղ հիասթափություն, և ցանկացած քարոզչական հայտարարություն, ցանկացած սուտ, որ Ադրբեջանի նախագահը հասցրել է իր ժողովրդին հրամցնել, ինքը, փաստորեն, պատասխան է տալու այդ ցանկացած հայտարարության և ստի համար։

Ներքին լեգիտիմության տեսանկյունից, կարծում եմ, չափազանց խոցելի է դառնում Ալիևի ռեժիմը։ Էլ չասեմ արտաքին աշխարհի աչքի առաջ, որովհետև Ադրբեջանի սուբյեկտայնությունը՝ որպես երկրի, կասկածի տակ է դրվում։ Մի քանի օր շարունակ Ադրբեջանը շփվել է արտաքին աշխարհի հետ Թուրքիայի միջոցով՝ նախագահ Էրդողանն էր պատասխանում միջազգային հանրության կոչերին, որոնք ուղղված էին Հայաստանին և Ադրբեջանին կամ Արցախին և Ադրբեջանին։ Դա նշանակում է, որ նաև որպես միջազգային սուբյեկտ Ադրբեջանի նախագահն ու Ադրբեջան երկիրը պետք է ընկալվեն որպես Թուրքիայի սատելիտ կամ նրա հովանու տակ գտնվող մի տարածք։

Հարցազրույցն ամբողջությամբ՝ տեսանյութում։

Ռոբերտ Անանյան