06.04.2026 | 23:30
Հրդեհ Թաիրով բնակավայրում. այրվել է ավտոմեքենա
Պուտինը հոկտեմբերի 9-ին Հայաստանի և Ադրբեջանի ԱԳ նախարարներին Մոսկվա է հրավիրել․ Կրեմլ
Քաղաքականություն
09.10.2020 | 01:03
ՌԴ նախագահ Վլադիմիր Պուտինը ԼՂ հակամարտության կողմերին ռազմական գործողությունները դադարեցնելու կոչ է արել՝ զոհերի և գերիների փոխանակման նպատակով։ Կրեմլի կայքում հրապարակվել է ՌԴ նախագահի հայտարարությունը։
Հայտարարությունում, մասնավորապես, ասվում է․
«Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հետ հեռախոսազրույցներից հետո Ռուսաստանի նախագահը դիմում է կոչով՝ դադարեցնել Լեռնային Ղարաբաղի հակամարտության գոտում ընթացող ռազմական գործողությունները՝ մարդասիրական նկատառումներից ելնելով՝ զոհվածների մարմինների և գերիների փոխանակման նպատակով։
Ռուսաստանի ԱԳ նախարարի միջնորդությամբ այդ հարցերի շուրջ խորհրդակցություններ անցկացնելու նպատակով Ադրբեջանի և Հայաստանի ԱԳ նախարարները հոկտեմբերի 9-ին հրավիրվում են Մոսկվա»։
