10.09.2026 | 15:31
Պապոյանը վարդ արտադրողների հետ քննարկել է արտահանման և լոգիստիկ հարցերը
Դատարանը ՌԴ նախկին նախարար Ուլյուկաևին մեղավոր ճանաչեց՝ 2 մլն դոլար կաշառք վերցնելու համար ու դատապարտեց 8 տարի ազատազրկման
Հասարակություն
15.12.2017 | 14:36
15:12
Դատարանը հրապարակեց վճիռը, ըստ որի՝ Ուլյուկաևը դտապարտվեց 8 տարի ազատազրկման խիստ ռեժիմի գաղութում. տեղեկացնում է ria.ru-ն:
Ռուսաստանի Դաշնության տնտեսական զարգացման նախկին նախարար Ալեքսեյ Ուլյուկաևը մեղավոր է ճանաչվել 2 մլն դոլար կաշառք վերցնելու համար: Այս որոշումը կայացվել է ուրբաթ օրը Մոսկվայի Զամոսկովրեցկի դատարանում. փոխանցում է news.mail.ru-ն:
Մեղադրող կողմը պահանջել է Ուլյուկաևին ազատազրկել 10 տարի ժամկետով՝ խիստ ռեժիմի գաղութում և նշանակել 500 մլն ռուբլի տուգանք:
Նշենք, որ Ուլյուկաևը ձերբակալվել է 2016 թ. նոյեմբերին: Նա մեղադրվում է «Ռոսնեֆտից» կաշառք վերցնելու համար: Նշվում է, որ նախարարը դրական եզրակացություն տալու համար է փող պահանջել, ինչը նավթային ընկերությանը հնարավորություն կընձեռեր գնելու պետական սեփականություն հանդիսացող «Բաշնեվթի» բաժնետոմսերը:
Ուլյուկաևը չի ընդունել իրեն ներկայացված մեղադրանքները, վերջին խոսքում ասել է, որ իր դեմ հրեշավոր սադրանք է կայացվել, և գործընթացը համեմատել է կրկեսի հետ:
