02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Արցախի անկախությունը չենք ճանաչել, որպեսզի բանակցային ձևաչափից դուրս չգանք. Մարուքյան. ՏԵՍԱՆՅՈՒԹ
Քաղաքականություն
08.10.2020 | 12:38
Արցախի անկախության ճանաչման հարցն արդեն իսկ բացված է, ուղերձները հղված են և տեղ են հասել: Այս մասին ԱԺ-ում ճեպազրույցի ժամանակ ասաց «Լուսավոր Հայաստան» խմբակցության ղեկավար Էդմոն Մարուքյանը:
«Եթե ուղերձներից բացի այլ քայլերի կարիք լինի, դա էլ կարվի: Իմ կարծիքով՝ այս պահին դա դեռևս արդիական չէ: Դա անելու ժամանակը հիմա չէ: Մենք երկար տարիներ չենք ճանաչել Արցախի անկախությունը, որպեսզի դուրս չգանք բանակցային գործընթացից, որովհետև ճանաչումը նշանակում է փակել բանակցային ֆորմատը: Ադրբեջանը, հարձակվելով մեզ վրա, իրեն դուրս է դրել բանակցային ֆորմատից… Բայց ՀՀ-ն իրեն չպետք է պահի այնպես, ինչպես թշնամին, և քանի դեռ հնարավորություններ կան վերադառնալու բանակցային սեղանի շուրջ, դեռևս տեղ կա շարունակելու, եթե չլինի այդ «վերջին կրակոցը», կարող ենք կրակել»,- նշեց Մարուքյանը:
Նա նաև ընդգծեց, որ Հայաստանի համար հարմար պահ չէ Արցախի անկախության ճանաչումը, բայց խիստ ցանկալի է, որ այլ երկրներ ճանաչեն:
Մանրամասները՝ տեսանյութում:
