19.11.2024 | 13:49
Կարեն Գիլոյանն ընդունել է զինվորականների ըմբշամարտի աշխարհի 37-րդ առաջնության մրցավարական պատվիրակներին
Ալիևն արդեն չկա իշխանության ղեկին. Արցախի ԱԺ նախագահ. ՏԵՍԱՆՅՈՒԹ
Քաղաքականություն
06.10.2020 | 12:09
Ալիևը պատրաստ էր արկածախնդրության 2016 թվականին՝ Ապրիլյան պատերազմին, Ալիևը գնաց նաև տավուշյան լոկալ պատերազմին: Ես կարծում եմ՝ 2020 թվականի սեպտեմբերի 27-ին Թուրքիայի ռազմաքաղաքական ղեկավարությունն է իրեն ստիպել գնալ այդ արկածախնդրությանը։ Այս մասին այսօր Ստեփանակերտում հրավիրված մամուլի ասուլիսում ասաց Արցախի ԱԺ նախագահ Արթուր Թովմասյանը:
Նա նաև ընդգծեց, որ Ադրբեջանում իշխանափոխության երկու տարբերակ է տեսնում:
«Առաջին՝ Իլհամ Ալիևն իշխանությունը փոխանցում է կնոջը, որը, դուք գիտեք, փոխնախագահն է: Սա քիչ հավանական է: Դրա համար, ընտրություններ անցկացնելու համար պետք են խաղաղ պայմաններ: Ընտրական օրենսգիրքը պետք է փորձեն կարկատել, որը պատերազմական իրավիճակում շատ քիչ հավանական է: Երկրորդ՝ կարծում եմ՝ Իլհամ Ալիևն արդեն չկա իշխանության ղեկին, որովհետև ցանկացած առաջարկ, որն արվում է ԵԱՀԿ Մինսկի խմբի համանախագահող երկրների կողմից, միշտ Ադրբեջանի ռազմաքաղաքական ղեկավարությունն ասում է, որ այդ բանակցություններին պետք է մասնակցեն նաև թուրքերը»,- նշեց Թովմասյանը՝ հավելելով, որ ձախողվել է այն ծրագիրը, ըստ որի՝ Ալիևը շատ կարճ ժամանակամիջոցում պետք է թեյ խմեր Ստեփանակերտում կամ Շուշիում:
Արցախի ԱԺ նախագահի խոսքով՝ Ալիևը, գուցե, արդեն հեռացված է, և ամբողջ աշխարհին է հասկանալի, որ պատերազմը կառավարվում է Թուրքիայի կողմից, թուրքական բարձրաստիճան սպաներ են մասնակցում:
Մանրամասները՝ տեսանյութում:
