Քաղաքականություն
06.10.2020 | 11:43
ՄԱԿ-ի գլխավոր քարտուղար Անտոնիո Գուտերեշը կոչ է արել տարածաշրջանային ու միջազգային «խաղացողներին»՝ օգնել հասնել հայ-ադրբեջանական զինված հակամարտության գոտում հրատապ զինադադարի։ Այս մասին հայտարարել է ՄԱԿ-ի գլխավոր քարտուղարի ներկայացուցիչ Ստեֆան Դյուժարիկը, գրում է ՌԻԱ Նովոստի։
Գուտերեշը քննադատել է Լեռնային Ղարաբաղում հակամարտությունն ու լուրջ մտահոգություն հայտնել բնակավայրերի ռմբակոծությունների վերաբերյալ ստացվող լուրերից։
«Գլխավոր քարտուղարը ևս մեկ անգամ ընդգծում է, որ հակամարտությունը չունի ռազմական լուծում և կողմերին կոչ է անում անհապաղ դադարեցնել ռազմական գործողությունները»,- ասվում է Դյուժարիկի հայտարարության մեջ։
