01.07.2026 | 09:33
Սյունիքում փրկարարները փրկել են վիրավոր սպիտակագլուխ անգղի
ԱԺ քննարկում է տնտեսության զորահավաքային պլանը հաստատելու լիազորությունը կառավարությանը տալու հարցը. ՏԵՍԱՆՅՈՒԹ
Քաղաքականություն
06.10.2020 | 10:46
ԱԺ այսօրվա նիստում ՀՀ պաշտպանության փոխնախարար Գաբրիել Բալայանը ներկայացրեց «Պաշտպանության մասին» օրենքում լրացում կատարելու մասին օրենքի նախագիծը։
«Նախագծով առաջարկվում է պաշտպանության ոլորտում Կառավարության լիազորությունների շարքում ներառել նաև հանրապետության տնտեսության զորահավաքային պլանը հաստատելու իրավասությունը: Ներկայումս գործում է հանրապետության նախագահի հրամանագրով հաստատված համապատասխան պլանը»,- ասաց Բալայանը:
Փոխնախարարի խոսքով՝ նախագծի ընդունումը հնարավորություն կընձեռի Կառավարության որոշմամբ հաստատել հանրապետության տնտեսության զորահավաքային նոր պլան, ինչն առավել արդիական է՝ ներկայում Ադրբեջանի և Թուրքիայի կողմից սանձազերծած ռազմական գործողությունների և ՀՀ-ում հայտարարված ռազմական դրության պայմաններում:
«Սրանից բխող միջոցառումների շարքում էական դեր ունի հանրապետության տնտեսության զորահավաքային պլանը: Կառավարությունն առաջարկել է օրենքի նախագծի ընդունումը համարել անհետաձգելի և քննարկել 24-ժամյա ռեժիմով»,- նշեց Գաբրիել Բալայանը:
Նա նաև տեղեկացրեց, որ հանրապետության տնտեսության զորահավաքային պլանի նախագիծն արդեն մշակված և համաձայնեցված է Էկոնոմիկայի նախարարության հետ: Օրենքի նախագծի ընդունումից և ուժի մեջ մտնելուց անմիջապես հետո այն կներկայացվի Կառավարության հաստատմանը։
Մանրամասները՝ տեսանյութում:
