18.12.2025 | 15:28
Պատրաստ եմ ընդունել իր արժանապատիվ հեռացումը ապահովելու օրակարգով․ Փաշինյանը՝ Գարեգին Բ-ի մասին․ ՏԵՍԱՆՅՈՒԹ
ԵՄ-ն մարդասիրական օգնություն կտրամադրի Լեռնային Ղարաբաղում ռազմական գործողություններից տուժածներին
Հասարակություն
02.10.2020 | 16:46
ԵՄ-ն հայտարարել է Լեռնային Ղարաբաղում ռազմական գործողությունների սկսվելուց հետո արտակարգ մարդասիրական օգնություն հատկացնելու մասին ։ Այս մասին «Թվիթերի» իր միկրոբլոգում գրել է ԵՄ ճգնաժամային կառավարման հանձնակատար Յանեզ Լենարչիչը։
«Լեռնային Ղարաբաղում ռազմական գործողությունների մեկնարկից հետո ԵՄ-ն հայտարարում է հակամարտության երկու կողմերում գտնվող քաղաքացիական անձանց անհապաղ մարդասիրական օգնություն տրամադրելու մասին»,- գրել է նա՝ նշելով, որ Լեռնային Ղարաբաղում ռազմական գործողությունների արդյունքում արդեն կան բազմաթիվ զոհեր քաղաքացիական անձանց շրջանում։
«Մարդասիրական օրենքները պետք է պահպանվեն և քաղաքացիական անձանց պաշտպանությունը պետք է հաստատվի։ ԵՄ-ն համերաշխ է բռնությունից տուժած բոլոր մարդկանց հետ և պատրաստ է հետագա մարդասիրական աջակցություն ցուցաբերել, եթե մարդկային տառապանքները շարունակվեն: Մենք կոչ ենք անում անհապաղ դադարեցնել ռազմական գործողությունները»,- գրել է Լենարչիչը։
Նշվում է, որ նախնական ֆինանսավորումը կլինի 500 000 եվրոյի չափով։
