08.11.2024 | 23:14
Վթար Աշտարակի խճուղում․ կա տուժած
Անկարան կողմ է արտահայտվել ԼՂ-ում ռազմական գործողությունների դադարեցմանը․ Լավրովն ու Չավուշօղլուն հեռախոսազրույց են ունեցել
Քաղաքականություն
01.10.2020 | 20:11
Ռուսաստանի և Թուրքիայի ԱԳ նախարարներ Սերգեյ Լավրովն ու Մևլութ Չավուշօղլուն քննարկել են Լեռնային Ղարաբաղի հակամարտության շուրջ էսկալացիան։ Այս մասին տեղեկանում ենք ՌԴ ԱԳՆ հրապարակած հաղորդագրությունից։
Նշվում է, որ պաշտոնյաներն անթույլատրելի են համարել այլ տարածքներից զինյալների ներգրավումը հակամարտությունում։
«Մանրամասն քննարկվել է Լեռնային Ղարաբաղի շուրջ լարվածության աճը: Նախարարները լուրջ մտահոգություն են հայտնել շարունակվող զինված առճակատման վերաբերյալ, կողմ են արտահայտվել ռազմական գործողությունների անհապաղ դադարեցմանը: Ընդգծվել է, որ անընդունելի են համարում հակամարտության մեջ այլ տարածաշրջաններից անօրինական զինված խմբավորումների ներգրավումը: Նշվել է Բաքվին և Երևանին քաղաքական և դիվանագիտական համագործակցության տրամադրման առումով չափազանց հավասարակշռված քայլերի անհրաժեշտությունը»,- ասվում է հաղորդագրությունում։
Ռուսաստանի և Թուրքիայի արտաքին քաղաքական գերատեսչությունների ղեկավարները պատրաստակամություն են հայտնել սերտորեն համագործակցել Լեռնային Ղարաբաղի իրադրության կայունացման հարցում։
