17.12.2025 | 17:54
ԱՄՆ-ն նոր պատժամիջոցներ է պատրաստում, եթե ՌԴ-ն մերժի խաղաղության ծրագիրը. Bloomberg
Անկարայում հայտարարել են, թե Ադրբեջանի վրա հարձակումը հավասարազոր է Թուրքիայի դեմ ագրեսիայի
Քաղաքականություն
29.09.2020 | 19:54
Ադրբեջանի վրա հարձակումը հավասարազոր է Թուրքիայի դեմ ագրեսիային։ Նման հայտարարությամբ է հանդես եկել Թուրքիայի իշխող «Արդարություն ու զարգացում» կուսակցության փոխնախագահ Նուման Քուրթուլմուշը, գրում է ՏԱՍՍ-ը։
«Ադրբեջանական գյուղի վրա Հայաստանի ցանկացած հարձակում հավասարազոր է թուրքական գյուղի վրա հարձակման։ Թուրքիան ակնկալում է, որ միջազգային հանրությունը երեսպաշտոներ չի գործի ու վերջ կտա Հայաստանի սադրիչ գործողություններին ու աջակցություն կցուցաբերի Ադրբեջանին»,- հայտարարել է Քուրթուլմուշը։
Հիշեցնենք, որ ավելի վաղ Կրեմլը երրորդ երկրներին կոչ էր արել յուղ չլցնել ԼՂ հակամարտության կրակի վրա։
«Մենք կոչ ենք անում բոլոր երկրներին, հատկապես՝ մեր գործընկերներին, ինչպիսին է Թուրքիան, անել ամեն ինչ՝ հակամարտող կողմերին համոզելու համար դադարեցնել կրակը և վերադառնալ այս հնացած հակամարտությունը քաղաքական-դիվանագիտական միջոցներով խաղաղ կարգավորելուն»,- նշել էր Պեսկովը։
