18.11.2024 | 15:51
Անընդունելի է․ Կրեմլը՝ ռուս-ուկրաինական պատերազմի սառեցման Էրդողանի ծրագրի մասին
Արցախի նախագահը՝ Լելե Թեփեի բարձունքի ազատագրման տեղեկությունների մասին. ՏԵՍԱՆՅՈՒԹ
28.09.2020 | 22:24
Այսօր Ստեփանակերտում հրավիրված ասուլիսում Արցախի Հանրապետության նախագահ Արայիկ Հարությունյանից Factor TV-ն հետաքրքրվեց՝ որքանո՞վ են իրական լուրերը, որ հայկական կողմը վերադարձրել է «Լելե թեփե» բարձունքը։
«Այսօր որևէ բարձունք նշանակություն չունի, քանի որ գնում է լայնածավալ պատերազմ, մենք վաղը կարող ենք ունենալ նահանջ կամ հակառակը: Մենք պետք է շատ ավելի երկար մարտական գործողությունների պատրաստ լինենք: Լայնածավալ պատերազմի պարագայում դիրք վերցնելը, դիրք տալը ժամանակավոր բնույթ է կրում: Մեր մարտավարությունը սա է լինելու: Դեռ քաղաքական կոմպրոմիսային զինադադարի հնարավորությունները չենք տեսնում»,- ասաց Հարությունյանը։
Նա նաև ասաց, որ մեծ է կամավորների թիվը, այնքան, որ չեն կարողանում նրանց բոլորի ցանկությունն իրականություն դարձնել՝ մարտական դիրքեր հասցնել:
Ադրբեջանի հետ բանակցությունների մասին խոսելով՝ ԱՀ նախագահը նշեց, որ նման վարքագիծ ունեցող իշխանության հետ որևէ երկխոսություն հնարավոր չէ:
«Լկտիությունը Թուրքիայի դուք այսօր տեսնում եք: Մենք պայքարում ենք թուրք-ադրբեջանական ուժերի հետ: Տակտիկական առումով որևէ կարևոր դիրք հակառակորդը չի գրավել»,- շեշտեց Արայիկ Հարությունյանը:
Մանրամասները՝ տեսանյութում։
