03.08.2026 | 11:35
Վահան Բիչախչյանն առաջին արդյունավետ գործողությունն է կատարել նոր մրցաշրջանում. ՏԵՍԱՆՅՈՒԹ
Էստոնիան ՄԱԿ-ի ԱԽ-ում Լեռնային Ղարաբաղի իրավիճակի շուրջ խորհրդակցություններ կնախաձեռնի
Քաղաքականություն
27.09.2020 | 22:39
Էստոնիայի արտգործնախարար Ուրմաս Ռեյնսալուն հայտարարել է Լեռնային Ղարաբաղի հակամարտության խաղաղ կարգավորման անհրաժեշտության, ինչպես նաև ՄԱԿ-ի Անվտանգության խորհրդում խորհրդակցություններ նախաձեռնելու ծրագրերի մասին, հաղորդում է Ռիա Նովոստին։
«Լեռնային Ղարաբաղի տարածաշրջանում իրավիճակը ծայրաստիճան մտահոգիչ է։ Կողմերին կոչ եմ անում դադարեցնել ռազմական գործողություններն ու բոլոր միջոցները ձեռնարկել՝ իրավիճակի հետագա սրումը թույլ չտալու համար։ Կարևոր է, որ կողմերն անմիջապես դադարեցնեն թշնամ։ական գործողությունները և անցնեն տարաձայնությունների խաղաղ կարգավորմանը»,- ֆեյսբուքյան իր էջում գրել է Ուրմաս Ռեյնսալուն։
Նա նաև տեղեկացրել է, որ Էստոնիան, որպես ՄԱԿ-ի Անվտանգության խորհրդի անդամ, նախաձեռնում է խորհրդակցություններ՝ Լեռնային Ղարաբաղում տեղի ունեցող իրադարձությունների քննարկման համար։
