18.11.2024 | 14:28
Երևանի ակումբներում մի շարք խախտումներ են արձանագրվել
Արցախի դեմ կռվում է ոչ թե Ադրբեջանը, այլ Թուրքիան. Արցախի նախագահ. ՏԵՍԱՆՅՈՒԹ
Քաղաքականություն
27.09.2020 | 22:26
Պատերազմին սպասելու համար մեզ շատ բան պետք չէր, ընդամենը պետք էր հետևել Ադրբեջանի և Թուրքիայի ղեկավարների վերջին ամիսների հայտարարություններին։ Մեզ համար պարզ է եղել, պատերազմի մենք սպասում էինք։ Այսօր հրավիրված ասուլիսում այս մասին ասաց Արցախի նախագահ Արայիկ Հարությունյանը։
«Կարծես թե ձեռագիրը նույնն է, ինչպես Ապրիլյանի ժամանակ, սակայն մասշտաբներն անհամեմատելի են։ Բայց ուզում եմ հայտարարել, որ մեզ հետ կռվում է ոչ թե Ադրբեջանը, այլև Թուրքիան։ Օգտագործում են թուրքական բանակի ձեռքի տակ եղած ժամանակակից զենքերն ու զինամթերքները։ Այն նույն F-16-ները, որոնք ամսից ավելի է՝ Ադրբեջանի տարածքում են, սովորական կամ համատեղ զորավարժության անվան տակ օգտագործում են առավոտից մինչ այս պահը»,- ասաց Արցախի նախագահը՝ հայտնելով, որ սա պետք է լինի հստակ հայտարարություն համայն աշխարհին։
Մանրամասները՝ տեսանյութում։
