29.09.2026 | 20:00
Փաշինյանն ասում է՝ ՌԴ-ն ուզել է իշխանություն զավթել ՀՀ-ում, ու դեռ Պուտինի՞ն պիտի հանդիպի Մոսկվայում․ Էդգար Ղազարյան․ ՏԵՍԱՆՅՈՒԹ
Արցախում քաղաքացիական անձանց շրջանում տասնյակ վիրավորներ և 2 զոհ կա․ Վահրամ Պողոսյան. ՏԵՍԱՆՅՈՒԹ
27.09.2020 | 15:47
Բացի սահմանային հատվածներից Ադրբեջանը թիրախավորել է Արցախի խաղաղ բնակավայրերը՝ այդ թվում մայրաքաղաք Ստեփանակերտը և Շուշի քաղաքը։ Այս մասին այսօր ասուլիսի ժամանակ հայտնեց ԱՀ նախագահի աշխատակազմի տեղեկատվության գլխավոր վարչության պետ Վահրամ Պողոսյանը։
«Ցավոք սրտի, քաղաքացիական անձանց շրջանում ունենք տասնյակ վիրավորներ և արդեն հաստատված 2 զոհ․ տատ և թոռ` Մարտունի քաղաքից, թոռնիկը 9 տարեկան աղջնակ է: Այս պահի դրությամբ հակառակորդը շարունակում է ինտենսիվ կրակ վարել շփման գծի ամբողջ երկայնքով»,- մասնավորապես նշեց Պողոսյանը։
Վերջինս ընդգծեց, որ հակառակորդի տարածած այն տեղեկատվությունը, որ մի քանի բնակավայրեր են կարողացել գրավել, չի համապատասխանում իրականությանը։
«Ընդհանուր առմամբ իրավիճակը վերահսկելի է։ Բոլոր ջանքերը պետք է գործադրենք, որպեսզի այս իրավիճակը կարողանանք պատվով հաղթահարել, և համոզված եմ՝ հաղթահարելու ենք։ Այս պահի դրությամբ արդեն բազմաթիվ զանգեր ունենք ինչպես ՀՀ-ից, այնպես էլ Սփյուռքի գաղթօջախներից։ Բոլորին կոչ ենք անում համազգային մոբիլիզացիա իրականացնել, որպեսզի կարողանանք ինչպես նախկինում, այնպես էլ այս անգամ հաղթանակով դուրս գալ այս իրավիճակից»,- նշեց Պողոսյանը։
Մանրամասները՝ տեսանյութում։
