21.05.2026 | 11:41
Տեղական գործակալներն ու նրանց օտարերկրյա տերերը փորձում են մեզ հակադրել Հայաստանին. Կոբախիձե
Հռոմի Պապը Կովկասում խաղաղության և խնդիրներն առանց ուժի լուծելու կոչ է արել
Քաղաքականություն
27.09.2020 | 15:03
Հռոմի Ֆրանցիսկոս պապը Լեռնային Ղարաբաղում իրադրության ֆոնին Կովկասում խաղաղության և ցանկացած տարաձայնություն ուժային մեթոդով կարգավորելուց հրաժարվելու կոչ է արել։ ՏԱՍՍ-ի փոխանցմամբ՝ այս մասին նա ասել է այսօր՝ Սուրբ Պետրոսի հրապարակում ավանդական քարոզի ընթացքում դիմելով հավատացյալներին։
«Կովկասից տագնապալի լուրեր են ստացվում։ Աղոթում եմ այդ տարածաշրջանում խաղաղության համար և դիմում եմ հակամարտության կողմերին՝ հստակ քայլեր ձեռնարկել՝ առանց ուժի կիրառման բոլոր խնդիրները լուծելու ուղղությամբ»,- մասնավորապես, ասել է Ֆրանցիսկոս պապը։
Հիշեցնենք՝ առավոտյան հայկական կողմը հաղորդել է Արցախի ուղղությամբ շփման գծի ամբողջ երկայնքով Ադրբեջանի զինված ուժերի սկսած հարձակման մասին։ Արցախում և Հայաստանում հայտարարվել է ռազմական դրություն և զորահավաք:
