Ալիևը ՄԱԿ-ի իր ելույթում Հայաստանի նկատմամբ միջազգային պատժամիջոցների ու զենք չվաճառելու կոչեր է հնչեցրել

Լուրեր

17.11.2026 | 12:36
Տիգրան Ավինյանի ճեպազրույցը՝ ՈւՂԻՂ
17.11.2026 | 12:34
«Խորոված էիք անում, երբ ժողովրդավարության բարձր ցուցանիշ կար». ընդդիմության առաջարկը մերժվեց․ ՏԵՍԱՆՅՈՒԹ
17.11.2026 | 12:28
Ուկրաինական ԱԹՍ-ների հարվածի հետևանքով Բաշկորտոստանում հրդեհ է բռնկվել «Գազպրոմի» գործարանում
17.11.2026 | 12:18
Երևանում մեկնարկել են հայկական երկաթուղու շուրջ հայ-ռուսական քննարկումները
17.11.2026 | 12:17
Ողջունո՞ւմ եք երաժշտական դպրոցի տնօրենի պահվածքը. Արշակ Սարգսյանը` Ավինյանին․ ՏԵՍԱՆՅՈՒԹ
17.11.2026 | 12:10
ԱԺ-ն ընդդիմության նախագիծն օրակարգում չընդգրկեց // Ղրիմի կամրջի մի հատված փլուզվել է․ ԼՈՒՐԵՐ
17.11.2026 | 12:04
ՈՒԵՖԱ-ն իր թեկնածուին է ընտրել ՖԻՖԱ-ի նախագահի ընտրություններում
17.11.2026 | 11:58
Ռուբեն Ռուբինյանի ճեպազրույցը՝ ՈՒՂԻՂ
17.11.2026 | 11:56
Պերուում Հռոմի պապի աչքին է դիպել ամբոխից նետված տերողորմյան․ ՏԵՍԱՆՅՈՒԹ
17.11.2026 | 11:55
Ինչո՞վ եք տարբերվում սովետից, 99 տոկոս քվեարկում էին Կոմկուսի օգտին. Արթուր Խաչատրյանը` ՔՊ-ին․ ՏԵՍԱՆՅՈՒԹ
17.11.2026 | 11:47
ԱՄՆ-ում քննարկվել են Հայաստանի՝ տարածաշրջանային տեխնոլոգիական կենտրոն դառնալու հնարավորությունները
17.11.2026 | 11:38
Մոնղոլիայի նախագահը հայտարարել է հրաժարականի մասին՝ 25 միլիոն դոլարի կաշառք ստանալու մեղադրանքների ֆոնին
17.11.2026 | 11:35
Հասմիկ Հակոբյանի ճեպազրույցը՝ ՈՒՂԻՂ
17.11.2026 | 11:30
Հայտնի է՝ որ զամբյուղում է լինելու Հայաստանի հավաքականը Եվրո-2028-ի որակավորման փուլի վիճակահանության ժամանակ
17.11.2026 | 11:19
Գերմանիայի ԱԳ նախարարը Հայաստան և Ադրբեջան է ժամանում
Բոլորը

Ադրբեջանի նախագահ Իլհամ Ալիևը ՄԱԿ-ի Գլխավոր վեհաժողովում իր ելույթի հիմնական մասը «նվիրել է» Հայաստանին՝ ավանդաբար տարբեր մեղադրանքներ հնչեցնելով։ Ինչպես միշտ՝ Ալիևն ասել է, թե Հայաստանն «օկուպացրել» է Ադրբեջանի տարածքները և միջազգային հանրությունից պահանջել պատժամիջոցներ կիրառել Երևանի նկատմամբ։

Նա նաև նշել է, որ Հայաստանը «օկուպացված» տարածքներում շարունակում է անօրինական տնտեսական գործունեություն իրականացնել։

Անդրադառնալով արցախյան հիմնախնդրի կարգավորման շուրջ բանակցություններին՝ Ալիևը նշել է, որ Հայաստանը ձգտում է այն խափանել։ Նա հայտարարել է, թե ՀՀ վարչապետ Նիկոլ Փաշինյանը 7 պայման է առաջ քաշել, որոնք Ադրբեջանի համար անընդունելի են։

«Փոխարենը մենք առաջ ենք քաշում ընդամենը մեկ պայման՝ Հայաստանի ԶՈՒ-ի դուրսբերումը Ադրբեջանի տարածքներից»,- ասել է Ալիևը։

Ադրբեջանի նախագահը խոսել է նաև հայ-ադրբեջանական սահմանին հուլիսյան մարտերի մասին՝ նշելով, թե Ադրբեջանի ԶՈՒ-ն, իբր, ճնշել է հայկական սադրանքը և  «հերթական պարտությունն է հասցրել Հայաստանին»։

Ալիևը, ըստ ամենայնի, զարմացած ու զայրացած է Հայաստանին զենքի վաճառքից ու դրա ծավալներից, իսկ երկրներին կոչ է արել զենք չվաճառել Երևանին։ Նա ասել է, թե 2020թ․ հուլիս-սեպտեմբեր ամիսներին Հայաստանն ավելի քան 1․000 տոննա ռազմական բեռ է ստացել։

«Հուլիսի երկրորդ կեսից՝ Ադրբեջանի Թովուզի շրջանում հայկական ԶՈՒ-ի սադրանքից հետո, Հայաստան սկսել են ռազմական բեռներ մատակարարվել։ Տեղափոխվել է ավելի քան 1․000 տոննա ռազմական բեռ։ Հաշվի առնելով, որ Հայաստանն աշխարհի ամենաաղքատ երկրներից է և միլիարդավոր դոլարներ չունի՝ այն գնելու համար, մենք ենթադրում ենք, որ Հայաստանն այդ բեռներն անվճար է ստացել։ Մենք կոչ ենք անում բոլոր երկրներին՝ ձեռնպահ  մնալ Հայաստանին զենք վաճառելուց, որը ռազմական ագրեսիայի է պատրաստվում Ադրբեջանի դեմ»,- ասել է Իլհամ Ալիևը։

Ադրբեջանի նախագահը չի մոռացել նաև ԵԱՀԿ Մինսկի խմբի մասին՝ կրկին հայտարարելով, որ այն ոչ մի արդյունքի չի հասել։

«Հակամարտության լուծման բանակցությունները պետք է միտված լինեն արդյունքի։ ԵԱՀԿ Մինսկի խմբի համանախագահ երկրները հայտարարությամբ են հանդես եկել, որ ստատուս-քվոն անընդունելի է։ Մենք ողջունում ենք այդ հայտարարությունը, բայց դա քիչ է, պետք են կոնկրետ գործողություններ»,- ասել է նա։

Հավատարիմ իր ոճին՝ Ալիևը չի մոռացել նաև Հայաստանին «մեղադրել» ահաբեկիչների հավաքագրման ու ֆինանսավորման մեջ։

Էմմա Չոբանյան