18.05.2024 | 20:00
Ճանապարհից հետ է ընկել․ օրեր անց փրկարարները գտել են սպանված. ՏԵՍԱՆՅՈՒԹ
Կրեմլը Պուտինին Խաղաղության Նոբելյան մրցանակի չի առաջադրել․ Պեսկով
Քաղաքականություն
24.09.2020 | 14:17
Կրեմլը ՌԴ նախագահ Վլադիմիր Պուտինին Խաղաղության Նոբելյան մրցանակի չի առաջադրել։ ՏԱՍՍ-ի փոխանցմամբ՝ այս մասին հայտնել է Կրեմլի խոսնակ Դմիտրի Պեսկովը։
«Գիտեք, որ շատ տարբեր մարդիկ են առաջադրվում այդ մրցանակին, և դա նրանց նախաձեռնությունն է, ովքեր հանդես են գալիս նման առաջարկությամբ։ Այս դեպքում դա ձեր հիշատակած գրողն է»,- գրող Սերգեյ Կոմկովի կողմից նման հայտի ներկայացման մասին հարցն այսպես է մեկնաբանել Դմիտրի Պեսկովը։
«Եթե մրցանակը շնորհելու որոշում կայացվի, հրաշալի է, եթե ոչ, նույնպես սարսափելի ոչինչ չկա»,- հավելել է նա։
Ավելի վաղ ռուսաստանցի մի շարք հասարակական գործիչներ, այդ թվում՝ գրող Սերգեյ Կոմկովը, հայտնել էին, որ ՌԴ նախագահ Վլադիմիր Պուտինին Խաղաղության Նոբելյան մրցանակ շնորհելու հայտ են ներկայացրել Նոբելյան կոմիտեին։ Հայտն Օսլո է ուղարկվել սեպտեմբերի 10-ին։
Խաղաղության Նոբելյան մրցանակի էին առաջադրել նաև ԱՄՆ նախագահ Դոնալդ Թրամփին և ռուսաստանցի ընդդիմադիր Ալեքսեյ Նավալնուն։
