17.12.2025 | 13:35
Տարեսկզբին Factor TV-ի հետաքննությունների հիմքով սկսած ուսումնասիրությունը դատախազությունը դեռ շարունակում է
Միքայել Մինասյանի քրգործով նոր անձ է կալանավորվելու. ՊԵԿ նախագահ. ՏԵՍԱՆՅՈՒԹ
Հասարակություն
24.09.2020 | 13:14
ՊԵԿ նախագահ Էդվարդ Հովհաննիսյանը Կառավարության նիստից հետո լրագրողների հետ ճեպազրույցում անդրադարձավ Վատիկանում ՀՀ նախկին դեսպան Միքայել Մինասյանի քրգործին:
Հիշեցնենք՝ Երևանի ընդհանուր իրավասության դատարանը բավարարել է Միքայել Մինասյանին կալանավորելու՝ քննիչի միջնորդությունը։ ՊԵԿ բացահայտումների արդյունքում դատարանը հերթական անգամ որոշում է կայացրել Միքայել Մինասյանին կալանավորելու մասին։ Մեղադրանքը լրացվել էր՝ կապված Շոտլանդիայում հաշվառված օֆշորային մի կազմակերպության բաժնետեր լինելու և եկամուտը չհայտարարագրելու հետ:
Անդրադառնալով այս դիտարկմանը՝ ՊԵԿ նախագահը նշեց, որ մեղադրանքի մասին հանգամանքները հանդիսանում են նախաքննության գաղտնիք, և դրանք ավելի առարկայական ներկայացնելը տեղին չի համարում:
«Դատարանը որոշում է կայացրել բավարարել քննիչի միջնորդությունը՝ գնահատելով այն և դրանում ներկայացված ապացույցները, կալանքի հիմքերը և Միքայել Մինասյանին մեղսագրվող արարքի վերաբերյալ կասկածի հիմքերը: Ավելին՝ դատարանը նույն քրեական գործով որոշում է կայացրել բավարարել քննիչի նաև մեկ այլ միջնորդություն՝ Միքայել Մինասյանի գործերի կառավարիչ Լեոնիդ Արևշատյանի նկատմամբ խափանման միջոցը որպես կալանավորում ընտրելու վերաբերյալ»,- տեղեկացրեց Էդվարդ Հովհաննիսյանը:
Մանրամասները՝ տեսանյութում:
