10.02.2026 | 18:21
4 ամիս դիմացեք և վերջապես փակեք մեր պատմության այս ամոթալի էջը․ Արթուր Խաչատրյան․ ՏԵՍԱՆՅՈՒԹ
Ռուսաստանի կառավարությունը մերժում է իր իսկ հագուստը վերադարձնելու Նավալնիի խնդրանքը
Քաղաքականություն
23.09.2020 | 16:59
Ռուսաստանի նախագահ Վլադիմիր Պուտինի խոսնակը՝ Դմիտրի Պեսկովը, մերժել է ընդդիմադիր առաջնորդ Ալեքսեյ Նավալնիի հագուստը իրեն վերադարձնելու վերջինիս պահանջը. հաղորդում է VOA-ն:
Հիշեցնենք, երեկ Նավալնին Ռուսաստանից պահանջել էր իրեն վերդարձնել այն հագուստը, որը նա կրում էր Սիբիրում կոմայի մեջ ընկնելու օրը:
«Հիվանդի հանդեպ հարգանք ունենալով հանդերձ՝ մենք հագուստի հետ որևէ առնչություն չունենք, դա մեր գործը չէ: Այն իրավապահ մարմինների վերահսկողության տակ է, նրանք գործում են Ռուսաստանի Դաշնության օրենքներին խիստ համապատասխան: Նրանք որոշ խնդիրների են բախվում, քանի որ բազմաթիվ ապացույցներ են տարվել Գերմանիա: Մենք պետք է հասկանանք՝ արդյոք գերմանական իշխանությունները փորձում են բարեխղճորեն թաքցնել ապացույցները, թե՝ ոչ: Ցավոք, մենք դեռ խնդիրներ ունենք մեր գործընկերներից, առաջին հերթին` Գերմանիայից տեղեկատվություն ստանալու հարցում: Այդ պատճառով տվյալներ ստանալու որոշակի դժվարություններ կան, որոնք, իհարկե, բարդացնում են բոլոր քննչական գործողությունները»,-ասել է Պեսկովը:
Նավալնին Ռուսաստանից պահանջել է վերադարձնել հագուստները՝ այն անվանելով «կարևոր ապացույց» «Նավիչոկից» թունավորվելու համար, ինչի պատճառով էլ նա բուժվում է Գերմանիայում:
Ռուսաստանի ընդդիմադիր գործչի կողմնակիցները պնդում են, որ նրան թունավորել են Կրեմլի և հենց նախագահ Վլադիմիր Պուտինի թողտվությամբ, քանի որ «Նովիչոկի» կիրառումը երկրում արգելված է:
Մի քանի շաբաթ կոմայի մեջ մնալուց հետո նրա առողջական վիճակը սկսել է բարելավվել:
