10.06.2026 | 10:44
NYMEX. Թանկարժեք մետաղների գները նվազել են
Անշարժ գույքի շուկայում մոտավորապես 1-1,5 %-ով գնանկում է տեղի ունեցել․ Կադաստրի կոմիտեի ղեկավար. ՏԵՍԱՆՅՈՒԹ
Տնտեսություն
23.09.2020 | 12:31
Մենք առցանց հարթակների միջոցով շարունակել ենք աշխատանքը նաև այն ժամանակ, երբ Կադաստրի կոմիտեի գրասենյակները փակ էին։ Երբ կոմիտեն անցել է գրասենյակային աշխատանքի, արդեն թվերը պարզ են դարձել, ըստ էության, 2020 թվականի օգոստոսին գրանցվել է առքուվաճառքի 16․400 գործարք, ինչը, 2019 թվականի նույն ժամանակահատվածի համեմատ, 6.3%-ով ավելի է։ Այսինքն՝անշարժ գույքի շուկայում միտումների աճ է նկատվում։ Այս մասին այսօր հրավիրված մամուլի ասուլիսի ընթացքում ասաց Կադաստրի կոմիտեի ղեկավար Սուրեն Թովմսայանը։
«Եղած սահմանափակումներից հետո նկատում ենք, որ առքուվաճառքի գործարքները ևս կայուն աճ ունեն։ Հանրապետությունում օգոստոսին գրանցվել է 4․904 առքուվաճառքի գործարք, որից 1․323-ը՝ Երևանում։ Այստեղ մի հետաքրքիր տենդենց կա. մարզերի գյուղական համայնքներում գործարքների 39% աճ է գրանցվել, իսկ մարզային քաղաքներում՝ մոտավորապես 7% աճ։ Իսկ Երևան քաղաքում հակառակ պատկերն է՝ գործարքների քանակի նվազում կա»,- ներկայացրեց Կադաստրի կոմիտեի ղեկավարը։
Հարցին՝ գների հետ կապված ի՞նչ իրավիճակ է, թանկացումներ նկատվո՞ւմ են, Սուրեն Թովմասյանը պատասխանեց՝ կառուցապատողներից անշարժ գույքի ձեռքբերման գների աճ հիմնականում գրանցվել է 2018-19 թվականներին։
Նա նշեց, որ հենց այն ժամանակ գների կտրուկ բարձրացում եղավ, իսկ ներկա պահին ո՛չ գնաճ, ո՛չ էլ գնանկում չի դիտարկվում։
«Շուկայում գնանկում տեղի է ունեցել, բայց չնչին տոկոսներով։ Օրինակ, 2020 թվականի հունիս-հուլիս ամիսների համեմատ, օգոստոսին անշարժ գույքի շուկայում 1.1%-ի չափով գնանկում է տեղի ունեցել։ Ինչպես արդեն նշեցի՝ Երևան քաղաքում գործարքների նվազում է նկատվում, և հենց այդ պատճառով է նաև այս գնանկումը։ Բայց իրական պատկերը կերևա ամբողջ տարվա հաշվետվության արդյունքում»,- մանրամասնեց Սուրեն Թովմասյանը:
Մանրամասները՝ տեսանյութում:
