05.11.2026 | 23:32
Հայաստան-Լիտվա համագործակցություն․ Վահան Կոստանյանը աշխատանքային այցով մեկնել է Վիլնյուս
Արևիկ Պետրոսյանը՝ Հրայր Թովմասյանի օգտին՝ որպես ՍԴ նախագահի թեկնածու քվեարկելու մասին. ՏԵՍԱՆՅՈՒԹ
Քաղաքականություն
23.09.2020 | 12:05
Որևէ առաջադրում իմ կողմից չի կատարվելու, ինքնառաջադրում չի լինելու: Այս մասին լրագրողների հետ զրույցում նշեց ՍԴ դատավոր Արևիկ Պետրոսյանը՝ անդրադառնալով ՍԴ նախագահի ընտրությանը, որը կայանալու է այսօր, դատարանի աշխատակարգային նիստում:
Հարցին՝ ո՞ւմ կտա իր ձայնը, Արևիկ Պետրոսյանը պատասխանեց. «Այս պահին դեռ չկան առաջադրված թեկնածուներ: Կտեսնենք, թե ովքեր կառաջադրեն իրենց թեկնածությունը, ինչպիսի ելույթներ կունենան, ինչ տեսլական են պատկերացնում, ինչպիսի գնահատական կտան ստեղծված իրավիճակին, ինչպես կպատկերացնեն ստեղծված իրավիճակի հանգուցալուծումները, ըստ այդմ՝ կլինի իմ մոտեցումն ու դիրքորոշումը»:
Անդրադառնալով Հրայր Թովմասյանի՝ որպես ՍԴ նախագահի թեկնածությանը քվեարկելու մասին հարցին, Արևիկ Պետրոսյանը նշեց, որ նախ պետք է սպասել, տեսնել՝ ինքնառաջադրում կամ թեկնածության առաջադրում կլինի՞, թե՞ ոչ:
«Նա պաշտոնավարման 2 տարիների ընթացքում իր գործունեությունն իրականացրել է այնպես, որ ՍԴ բնականոն գործունեության առումով որևէ խնդիր չի եղել: Ստեղծվել են նորմալ մարդկային, աշխատանքային հարաբերություններ: ՍԴ-ն վերջին երկու տարիների ընթացքում եղել է բարդագույն իրավիճակներում: Այդ ընթացքում մենք մեր մասնագիտական առաքելությունը, սահմանադրական առաքելությունն ու արդարադատությունն իրականացրել ենք Հրայր Թովմասյանի՝ որպես ՍԴ նախագահի պաշտոնավարման ժամանակահատվածում»,- հավելեց Արևիկ Պետրոսյանը:
Մանրամասները՝ տեսանյութում:
