02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Իշխանությունը 50 տարվա պլաններ ներկայացնելուց առաջ թող հեղափոխության ժամանակ տված խոստումները կատարի. Իվետա Տոնոյան․ ՏԵՍԱՆՅՈՒԹ
Քաղաքականություն
22.09.2020 | 10:52
Այսօր խորհրդարանական ճեպազրույցների ընթացքում ԱԺ «Բարգավաճ Հայաստան» խմբակցության պատգամավոր Իվետա Տոնոյանն անդրադարձավ ՀՀ վարչապետի կողմից ներկայացված ռազմավարությանը, թե ինչպիսին պետք է լինի ՀՀ-ն մինչև 2050թ.-ը:
Տոնոյանն ընդգծեց, որ վարչապետի բարի ցանկությունները բավականին դրական էմոցիաներ և լիցքեր են հաղորդում, բայց ինքը վաղուց դադարել է հավատալ «բաժակաճառերի, կենացների մակարդակով արվող մեկնաբանություններին և ենթադրություններին»:
«Իշխանություններին խորհուրդ կտայի, մի քանի տասնամյակ ընդգրկումով պլաններ ներկայացնելուց առաջ, ընդամենը ոչ վաղ անցյալի հեղափոխության ժամանակահատվածում տրված խոստումները կյանքի կոչել, փորձել դրանք իրականություն դարձնել, հետո միայն 50 տարվա կտրվածքով ծրագրեր և պլաններ ներկայացնել: Այս դեպքում, թերևս, գեբելսյան հայտնի սկզբունքի հետ գործ ունենք՝ որքան մեծ է լինում սուտը, այդքան հեշտ է դրան հավատալ: Բոլորն էլ հիշում են հեղափոխության չիրականացված խոստումները»,- ասաց Տոնոյանը:
Մանրամասները՝ տեսանյութում:
