Քաղաքականություն
21.09.2020 | 17:47Անկախությունից հետո մենք կարողացանք ստեղծել անուններով պետական մարմիններ, սակայն չկարևորեցինք ազատությունը՝ որպես անկախության կարևոր երաշխիք։ Այս մասին այսօր «Անկախություն. ձեռք բերելը բարդ էր, պահպանելը՝ ավելի» թեմայով քննարկման ժամանակ ասաց ՀՔԱ Վանաձորի գրասենյակի ղեկավար, իրավապաշտպան Արթուր Սաքունցը։
«2018 թվականի թավշյա հեղափոխությունը, կարելի է ասել, իրապես անկախության երաշխավորման կարևոր շարժումն էր, երբ այդ ազատությունը ներսում ձեռք բերվեց։ Կան ծայրահեղ գնահատականներ, որ սա ավելի կարևոր է, քան անկախությունը։ Իհարկե, դա այդպես չի, բայց անկախության բովանդակային երաշխիքի՝ ազատության վերականգնումը կարևոր էր։ Մենք, իհարկե, այս հարցում ունենք մտահոգություններ, որ մշտապես պետք է նշել․ ազատությունների երաշխավորումը ենթադրում է նաև դրանց հիմնական երկխոսությունները, այսինքն՝ կարծիքների արտահայտում, լսել մեկը մյուսին, որոշումների կայացմանը մարդկանց մասնակցություն։ Որովհետև այն, ինչ հիմա կատարվում է, երբ մարդիկ Կառավարության մոտ ցույց են անում և ասում, որ մենք ուզում ենք գնալ Ռուսաստան, սա լուրջ մտահոգող խնդիր է։ Ծավալի մասին չի խոսքը, միտումների, գործոնների մասին է խոսքը»,- մասնավորապես նշեց Արթուր Սաքունցը։
Մանրամասները՝ տեսանյութում։
