Տեսանյութեր
17.09.2020 | 21:42«Քաղաքացիական պայմանագիր» կուսակցության նիստից հետո լրագրողները ՀՀ վարչապետի աշխատակազմի ղեկավար Էդուարդ Աղաջանյանից հետաքրքրվեցին՝ արդյո՞ք իրականությանը համապատասխանում է մամուլում հրապարակված լուրը, վարչապետին սպասարկող օդանավը ներկելու համար բավականին մեծ գումար է ծախսվել, դա այդպես է՞, եթե այդ թիվը չի համապատասխանում իրականությանը, ապա ինչքա՞ն է ծախսվել։
Աղաջանյանն ասաց՝ դա չի համապատասխանում իրականությանը։
«Ցավոք, այդ թիվը ես չեմ կարող հրապարակել՝ հաշվի առնելով, որ գաղտնիության չափանիշներ կան, որոնց շրջանակում նաև վարչապետին սպասարկող ինքնաթիռի հետ կապած հարցն է տեղավորվում: Կարող եմ ասել, որ անգամներ պակաս է այդ թիվը, և ես հատուկ հանձնարարել եմ, որ հերքման պահանջ ներկայացնեն տվյալ լուրը հրապարակած լրատվականին»,- ասաց նա:
Դիտարկմանը, որ իշխանությունը միշտ խոսել է բաց և թափանցիկ կառավարման մասին, Աղաջանյանն արձագանքեց, որ օրենքով է արգելվում հայտնել այդ տեղեկությունը, իսկ թե որ օրենքով, Աղաջանյանը դժվարացավ հղում կատարել:
Մանրամասները՝ տեսանյութում:
