ՄԱԿ-ի Մարդու իրավունքների խորհուրդը Բելառուսում տիրող իրավիճակի հարցը ներառել է 45-րդ նստաշրջանի օրակարգում․ ՀՀ-ն ձեռնպահ է քվեարկել

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

ՄԱԿ-ի Մարդու իրավունքների խորհուրդը Բելառուսում տիրող իրավիճակի հարցը ներառել է իր 45-րդ նստաշրջանի օրակարգում, որը մեկնարկել է երկուշաբթի Ժնևում: Հարցը քննարկելու առաջարկը Եվրամիության անունից հնչեցրել է Գերմանիան, գրում է ՏԱՍՍ-ը:

Որոշումն ընդունվել է ձայների մեծամասնությամբ՝ 25 կողմ, 2 դեմ, 20 ձեռնպահ: «Հրատապ բանավեճ անցկացնելու որոշումն ընդունված է», – քվեարկությունից հետո ասել է ՄԱԿ-ի Մարդու իրավունքների խորհրդի նախագահ Էլիզաբեթ Թիհի-Ֆիսլբերգերը:

Կողմ են քվեարկել ԵՄ անդամ երկրները, Ուկրաինան, ինչպես նաև Լատինական Ամերիկայի պետությունների մեծամասնությունը: Դեմ են արտահայտվել Վենեսուելան և Ֆիլիպինները: Աֆրիկայի երկրները, ինչպես նաև Հայաստանը, ձեռնպահ են մնացել: Քննարկումը պետք է տեղի ունենա մինչև այս շաբաթվա վերջ:

Ժնևում Բելառուսի մշտական ներկայացուցիչ Յուրի Ամբրազևիչը ՄԱԿ-ի կենտրոնակայանում ունեցած ելույթում նշել է, որ ԵՄ նախաձեռնությունը «ոչ մի կապ չունի մարդու իրավունքների թեմայի հետ և նպատակ ունի քաղաքական ճնշում գործադրել Բելառուսի իշխանությունների վրա, ինչն ուղղակի միջամտություն է ինքնիշխան պետության ներքին գործերին և միջազգային իրավունքի կոպիտ խախտում»:

Իր հերթին, Ժնևում Վենեսուելայի մշտական ներկայացուցիչ Խորխե Վալերոն ընդգծել է, որ Բելառուսի ընտրություններում հաղթել է ներկայիս նախագահ Ալեքսանդր Լուկաշենկոն, ապա հավելել. «Ցավոք՝ ԵՄ երկրներում ժողովրդի ցանկությունը չճանաչվեց»:

«Մենք դատապարտում ենք օտարերկրյա միջամտությունը և ողջունում ենք [բելառուսական] կառավարությանը՝ հանդարտությունը վերականգնելու և ինքնորոշումը գիտակցելու քայլերի համար»,- ասել է նա:

Միևնույն ժամանակ, Գերմանիայի, Նիդերլանդների, Դանիայի, Չեխիայի և Լեհաստանի ներկայացուցիչները Բելառուսում տեղի ունեցած իրադարձությունների այլ պատկեր են ներկայացրել: Օրինակ, գերմանացի դիվանագետն իր խոսքում նշել է, որ ընտրությունների ընթացքում և դրանից հետո Բելառուսում «մարդու իրավունքների վիճակի վատթարացում» է եղել, իսկ ընտրություններն էլ «ո՛չ ազատ էին, ո՛չ արդար»:

ՄԱԿ-ի Մարդու իրավունքների խորհուրդը 45-րդ նստաշրջանում, որը տևելու է սեպտեմբերի 14-ից հոկտեմբերի 6-ը, մասնավորապես, քննարկելու է քաղաքացիների իրավունքներն ու ազատությունները դիտարկելու խնդիրները՝ կորոնավիրուսային համաճարակի համատեքստում, ինչպես նաև այնպիսի հարցեր, ինչպիսիք են խմելու ջրի անվտանգությունը և սանիտարական մաքրումը, ստրկության ժամանակակից ձևերը, բնիկ ժողովուրդների իրավիճակը: Կքննարկվի իրադրությունը երկու տասնյակ երկրներում, այդ թվում՝ Եմենում, Սիրիայում և Վենեսուելայում