18.11.2024 | 18:20
Արմեն Դանիելյանը հրաժարվել է ԲԴԽ նախագահի ԺՊ լինել․ Խորհրդի նախագահի պարտականությունները կկատարի Կարեն Թումանյանը
Ընտրությունների վերաբերյալ պատասխանեցիք ճիշտ այնպես, ինչպես Քոչարյանն ու Սարգսյանն էին 20 տարի պատասխանում․ Բաբաջանյանը՝ Խունդկարյանին. ՏԵՍԱՆՅՈՒԹ
Քաղաքականություն
14.09.2020 | 13:00
ԱԺ-ում այսօր ՍԴ դատավորների թեկնածուների ընտրության հարցի քննարկման ժամանակ դիմելով ՍԴ թեկնածու Երվանդ Խունդկարյանին՝ ԱԺ պատգամավոր Արման Բաբաջանյանը հորդորեց մարդկայնորեն գնահատել հուլիսի 31-ին Դատավորների ընդհանուր ժողովում ՍԴ թեկնածուի ընտրության ժամանակ արձանագրված խախտումների բարոյական կողմը՝ հիշեցնելով, որ մամուլում հրապարակումներ կային խախտումների վերաբերյալ:
«Ձեր մրցակիցը վիճարկում է այդ ընտրությունների օրինականությունը: Սա Ձեզ չի՞ կաշկանդում: Դուք նաև հանրապետական ընտրություններ եք քննելու, ինչպե՞ս եք Ձեզ պատկերացնում այդ առաքելության մեջ»,- հարցրեց պատգամավորը:
Միաժամանակ, արձագանքելով Երվանդ Խունդկարյանին՝ Արման Բաբաջանյանը նշեց. «Ընտրությունների վերաբերյալ պատասխանեցիք ճիշտ այնպես, ինչպես Քոչարյանն ու Սարգսյանն էին 20 տարի պատասխանում»:
Մանրամասները՝ տեսանյութում:
