13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Ակնա թաղամասում այգեգործության զարգացման մեծ ծրագիր կսկսվի. Արայիկ Հարությունյանն աշխատանքային շրջայց է կատարել
Տնտեսություն
14.09.2020 | 11:42
Արցախի Հանրապետության նախագահ Արայիկ Հարությունյանն անցած կիրակի օրը՝ սեպտեմբերի 13-ին, աշխատանքային այցով եղել է Ասկերանի Ակնա թաղամասում:
«Երկրի ղեկավարը տեղում ծանոթացել է այգեգործությամբ, բանջարաբոստանային մշակաբույսերի, ծխախոտի մշակությամբ զբաղվող մենատնտեսների գործունեությանը, հետաքրքրվել բերքատվության ցուցանիշներով և իրացման հարցերով: Նախագահ Հարությունյանը նշել է, որ Կառավարությունը ծրագիր է մշակում, որով նախատեսվում է Ակնայի ամբողջ թաղամասում այգիներ տնկել:
«Առաջիկա երկու տարիներին կլուծվի թաղամասի ոռոգման խնդիրը: Աշխատանքներն արդեն մեկնարկել են: Տարածքն, ըստ մասնագետների, այգեգործության զարգացման համար մեծ ներուժ ունի, և հաջորդ փուլում Կառավարությունն այդ ուղությամբ աջակցության ծրագրեր կսկսի: Դրանք կլինեն մատչելի և հասանելի բոլոր ցանկացողների համար»,- ասել է նախագահն՝ ընդգծելով, որ հատկացված միջոցները տեղին և արդյունավետ ծախսելու հարցում լինելու են խիստ հետևողական»,- ասված է ԱՀ նախագահի աշխատակազմի տարածած հաղորդագրությունում:
