10.09.2026 | 15:31
Պապոյանը վարդ արտադրողների հետ քննարկել է արտահանման և լոգիստիկ հարցերը
Կարեն Կարապետյանը ցանկացել է սեփական կուսակցություն ստեղծել. «Իրատես»
08.12.2017 | 09:07
«Իրատես» թերթը գրում է.
«Ասում են, թե բավականին հետաքրքիր է «ստացվել» Կարեն Կարապետյանի ՀՀԿ-ացումը: Հայաստան վարչապետության եկած Կարապետյանը ոչ միայն չի ցանկացել անդամակցել ՀՀԿ-ին, որպես կաստայացած օրգանիզմի, այլև աշխատանք է տարել սեփական կուսակցությունն ստեղծելու ուղղությամբ:
Նախ` իր թիմի անդամներին է (Ալթունյան, Ամիրյան, Առաքելյան…) տեղյակ պահել այդ մասին, ապա հանդիպել է Ռալֆ Յիրիկյանի հետ, որպեսզի հասկանա ապագայի նրա «տեսլականները»: Յիրիկյանը, ինչպես միշտ, ասել է, որ ինքը քաղաքականությամբ չի զբաղվել և չի զբաղվելու:
Կարեն Կարապետյանը հանդիպել է նաև քաղաքականություն մտնելու պատրաստվող Գագիկ Ծառուկյանի հետ, վերջինիս հորդորել դառնալու իր ստեղծելիք կուսակցության «պլատֆորմը»: Ծառուկյանը, որն արդեն մեծ խաղի մաս էր և որոշակի պայմանավորվածություններ ուներ «վերևների» հետ, նույնպես հրաժարվել է:
Եվ քանի որ Կարեն Կարապետյանն իրականում «հրավիրվել» էր Հայաստան` ՀՀԿ-ի տյունինգի, ընտրություններում ՀՀԿ-ին իր «թարմ» կերպարով հաղթանակի տանելու համար, խիստ բարեհաջող անդամակցեց ՀՀԿ-ին` որպես «մավր» անելով իր գործը»:
Առավել մանրամասն՝ թերթի այսօրվա համարում:
