18.11.2024 | 16:36
Տեղի է ունեցել Ազգային փոքրամասնությունների հարցերով խորհրդի նիստը
Իսրայելի օդուժը 13 անգամ խախտել է Լիբանանի օդային սահմանը
11.09.2020 | 13:15
Իսրայելի ՌՕՈՒ կործանիչները հինգշաբթի 13 անգամ խախտել են Լիբանանի օդային սահմանը և հետախուզական թռիչքներ իրականացրել։ ՏԱՍՍ-ի փոխանցմամբ՝ այս մասին հայտնել է Լիբանանի բանակի հրամանատարությունը։
«Իսրայելական օդանավերը մեկ օրվա ընթացքում 13 անգամ խախտել են երկրի օդանին սահմանը, ինչի մասին լիբանանյան կողմը տեղեկացրել է ՄԱԿ-ի Ժամանակավոր ուժերի հրամանատարությանը»,- ասվում է բանակի տարածած հաղորդագրությունում։
Դրա համաձայն՝ օդանավերը սահմանը հատել են երկրի հարավում և թռիչքներ իրականացրել Բիբլոս և Շեքքա քաղաքների վրայով։
Ավելի վաղ Լիբանանի Զինված ուժերի հրամանատարությունը տեղեկացրել էր, որ զինվորականները Աիտ-էշ-Շաաբ շրջանում իսրայելական ՌՕՈՒ-ի անօդաչու թռչող սարք են խոցել, որն ընկել է սահմանից 200 մետր հեռավորությամբ։
Իսրայելի Պաշտպանության բանակի ներկայացուցիչ Ավիշայ Անդաեն հաստատել է անօդաչուի կործանման փաստը, սակայն նշել է, որ պատճառը տեխնիկական անսարքությունն է եղել։ Նրա պնդմամբ՝ «հակառակորդի ձեռքին հետախուզական տեղեկություն հայտնվելու վտանգ չկա»։
Նշենք, որ Իսրայելը Լիբանանի երկնքում հետախուզական թռիչքներն արդարացնում է շիաների «Հըզբալլահ» շարժման զինյալների տեղաշարժին հետևելու անհրաժեշտությամբ։
