16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Բելառուսում սեպտեմբերի 9-ին բողոքի ակցիաների 37 մասնակից է ձերբակալվել
Քաղաքականություն
10.09.2020 | 17:00
Բելառուսի իրավապահ մարմինների աշխատակիցները սեպտեմբերի 9-ին զանգվածային միջոցառումների մասին օրենսդրության խախտման համար 37 քաղաքացու է ձերբակալել։ Այս մասինն ՏԱՍՍ-ին հաղորդել են երկրի ՆԳՆ մամուլի ծառայությունից։
«Չարտոնված միջոցառումների ընթացքում երկրում, ընդհանուր առմամբ, 37 մարդ է ձերբակալվել։ 26 քաղաքացի վարչական իրավախախտումների գործով դատական նիստին կսպասի կալանքի տակ»,- ասել են գերատեսչությունում։
Բելառուսում բողոքի ակցիաները, հիշեցնենք, սկսվել են օգոստոսի 9-ի նախագահական ընտրություններից հետո։ ԿԸՀ-ի տվյալներով՝ ընտրություններում 80.1% ձայնով հաղթել է գործող նախագահ Ալեքսանդր Լուկաշենկոն։ 10.12% ձայնով երկրորդ տեղում հայտնվել է Սվետլանա Տիխանովսկայան, որը, սակայն, չի ընդունել քվեարկության հայտարարված արդյունքները։
Բողոքի ակցիաների առաջին օրերին ցուցարարների ու իրավապահների միջև բախումներ գրանցվեցին։ ՆԳՆ տվյալներով՝ ավելի քան 6 հազար մարդ է ձերբակալվել, մի քանի տասնյակ ցուցարար և իրավապահ է տուժել։ Հանրապետությունում ստեղծված ընդդիմության Համակարգող խորհուրդը կոչ է անում շարունակել բողոքի գործողությունները, իսկ իշխանությունները պահանջում են դադարեցնել անօրինական ակցիաները։
