20.02.2026 | 20:13
Մյունխենում Ալիևներին հարց ուղղած ադրբեջանցի լրագրողն իր դեմ հարձակման մասին է հայտարարել
Արջը շատ ազատ իջնում է գյուղ, պտտվում է դպրոցի մոտ․ գյուղացին պաշտպանված չէ․Սերգեյ Բագրատյան. ՏԵՍԱՆՅՈՒԹ
Հասարակություն
10.09.2020 | 15:21
ԱԺ տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի այսօրվա նիստում քննարկվում է խորհրդարանի փոխխոսնակ Լենա Նազարյանի և պատգամավոր Մերի Գալստյանի հեղինակած՝ «Կենդանիների նկատմամբ պատասխանատու վերաբերմունքի մասին» ՀՀ օրենքի նախագիծը և հարակից օրենքներում փոփոխությունների մասին նախագիծը:
Պատգամավոր Սերգեյ Բագրատյանն անդրադարձավ վայրի կենդանիներից բնակչության պաշտպանության հարցին։
«Անցած կիրակի ես գյուղում էի, Վայոց ձորի մարզի Արտաբույնք համայնքում։ Արջը շատ ազատ, ոչ շատ ուշ ժամերի՝ 11-ին, 12-ին իջնում է գյուղ, դպրոցի մոտ, պտտվում է, ինչ ուզի՝ անում է, իսկ գյուղացին որևէ ձևով պաշտպանված չէ։ Որևէ հնարավորություն չունի, որովհետև գիտեք, Կարմիր գրքում գրանցված կենդանի է, և ռիսկեր կան, որ կարող է վնասել քաղաքացիներին, հատկապես՝ անպաշտպան, ծեր քաղաքացիներին, ովքեր նույնիսկ փախչելու հնարավորություն չունեն»,- ասաց պատգամավորը։
Նախագիծը ներկայացնող Մերի Գալստյանը նշեց, որ այն նման հարցերին չի վերաբերում, սակայն, անհրաժեշտություն դեպքում, կարող են քննարկումներ լինել և կարգավորումներ նախատեսել։
Մանրամասները՝ տեսանյութում։
