18.12.2025 | 15:06
Արման Ծառուկյանը՝ Բայդուլաևի դեմ մենամարտում տհաճ միջադեպի մասին․ ՏԵՍԱՆՅՈՒԹ
Մարիա Կոլեսնիկովային դեռևս մեղադրանք չի առաջադրվել․ նա հարցաքննվում է․ փաստաբան
Քաղաքականություն
10.09.2020 | 14:46
Բելառուսական ընդդիմության համակարգող խորհրդի նախագահության անդամ Մարիա Կոլեսնիկովային դեռևս մեղադրանք չի առաջադրվել։ Լրագրողներին այս մասին ասել է նրա փաստաբան Լյուդմիլա Կազակը, գրում է ՏԱՍՍ-ը։
«Առողջական վիճակը լավ է, բողոքներ չկան։ Վնասվածքներ կան, նա կմիջնորդի՝ բժշկական փորձաքննության համար»,- նշել է փաստաբանը։
Նա հավելել է, որ Կոլեսնիկովայի կարգավիճակում փոփոխություն չկա, նա շարունակում է կասկածյալ մնալ։
«Դեռևս չենք ավարտել, հարցաքննությունը շարունակվում է։ Ինձանից տեղեկության չհրապարակման մասին ստորագրություն են վերցրել, այնպես որ՝ մանրամասներ չեն կարող հայտնել»,- ասել է Կազակը։
Հիշեցնենք, որ Մարիա Կոլեսնիկովան որպես կասկածյալ ներգրավված է իշխանության զավթման հրապարակային կոչերի քրեական գործով։ Նախօրեին նրան Մինսկի թիվ մեկ քննչական մեկուսարան են տեղափոխել։
