19.12.2025 | 14:45
ՄԱԿ-ի հետ համագործակցության զարգացման փաստաթուղթ է ստորագրվել
Լուկաշենկոն չի բացառել արտահերթ նախագահական ընտրությունների անցկացման հնարավորությունը
Քաղաքականություն
09.09.2020 | 15:44
Բելառուսի նախագահ Ալեքսանդր Լուկաշենկոն պատրաստ է պետության ղեկավարի արտահերթ ընտրությունների անցկացմանը։ Այս մասին նա հայտարարել է ռուսական լրատվամիջոցներին տված հարցազրույցում, որը հեռարձակվել է RT հեռուստաալիքով, գրում է ՏԱՍՍ-ը։
«Եթե մենք փոխենք Սահմանադրությունը, ապա պետք է դրանում ներառենք նախագահի ընտրությունները։ Բայց առանձին ներառենք, և ես հակված եմ նրան, որպեսզի արտահերթ նախագահական ընտրություններ անցկացվեն։ Ես դա չեմ բացառում»,- ասել է նա։
Պատասխանելով հստակեցնող հարցին՝ Լուկաշենկոն ընդգծել է, որ ինքն է հակված նման որոշման օգտին․ «Այո՛, հենց ես։ Ոչ ոք ինձ այդ մասին չի ասել։ Եվ ես առաջին անգամ եմ այդ մասին ասում։ Ես դրան հակված եմ»։
Նա, սակայն, արտահերթ ընտրություններ անցկացնելու հստակ ժամկետներ չի նշել։
«Ժամկետներով չեմ խոսում։ Հարկավոր է Սահմանադրություն ընդունել, տեղական մարմինների ընտրություններ անցկացնել։ Եթե արտահերթ նախագահական ընտրություններ անցկացնենք, ապա դրանք, հավաանաբար, պետք է անցկացվեն խորհրդարանականից առաջ»,- հավելել է Լուկաշենկոն։
Հիշեցնենք, որ օգոստոսի 9-ին Բելառուսում անցկացված նախագահական ընտրությունների արդյունքում երկրի ղեկավարի պաշտոնը կրկին ստանձնեց Ալեքսանդր Լուկաշենկոն։ Ընդդիմությունը, սակայն, չի ընդունել ընտրությունների արդյունքները։
Քվեարկության արդյունքների հրապարակումից հետո Բելառուսում բողոքի ակցիաներ սկսվեցին, իրավապահների հետ բախումների հետևանքով զոհեր եղան։ Հետընտրական զարգացումները երկրում շարունակվում են։
