01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
Առաջարկվում է արգելել գիշերային ժամերին վարկերի տրամադրումը․ պատգամավորները խաղամոլության կամ գողոնի իրացման ռիսկեր են տեսնում. ՏԵՍԱՆՅՈՒԹ
Հասարակություն
08.09.2020 | 10:42
Մեկնարկել է ԱԺ ֆինանսավարկային և բյուջետային հարցերի հանձնաժողովի նիստը: Նիստին ներկա են ՀՀ ԿԲ նախագահի տեղակալ Ներսես Երիցյանը, ՊԵԿ նախագահի տեղակալ Միքայել Փաշայանը, էկոնոմիկայի նախարարի տեղակալ Վարոս Սիմոնյանը։
Ի թիվս մի քանի այլ նախագծերի՝ հանձնաժողում քննարկվեց նաև «Սպառողական կրեդիտավորման մասին» օրենքում լրացում կատարելու մասին օրենսդրական նախագիծը, որը ներկայացվել էր Մանե Թանդիլյանի կողմից:
Նախագծում դիտարկվել է երկու խնդիր։ Առաջինը՝ «Սպառողական կրեդիտավորման մասին» օրենքում կա դրույթ, ըստ որի՝ պետք է պայմանագիրը պարունակի փաստացի տոկոսադրույքի մասին տեղեկություն, բայց քանի որ պայմանագիրը շատ ծավալուն է, մարդիկ հաճախ այդպես էլ տեղեկատվություն չեն ստանում փաստացի տոկոսադրույքի մասին: Այս նախագծով առաջարկվում է, որ պայմանագրում հաճախորդի ստորագրության համար նախատեսված տեղի անմիջապես ներքևում ակնհայտորեն նշված լինի փաստացի տոկոսադրույքի չափը:
Երկրորդ խնդիրը կապված է գրավատների և վարկային կազմակերպությունների՝ գիշերային ժամերին սպառողական վարկի տրամադրման գործունեություն իրականացնելու հետ. նախագծով առաջարկվում է գիշերային ժամերին արգելել վարկերի տրամադրումը։ Պատգամավորները խաղամոլության կամ գողոնի իրացման ռիսկեր են տեսնում:
Մանրամասները՝ տեսանյութում:
