03.08.2026 | 16:15
Կառավարությունից ու համայնքապետարաններից՝ խորհրդարան․ ովքեր են ՔՊ-ի նոր պատգամավորները
ԵՄ-ն պատժամիջոցներ է նախապատրաստում Մինսկի դեմ․ «սև ցուցակում» 31 պաշտոնյա և գերատեսչություն կհայտնվի
Քաղաքականություն
07.09.2020 | 16:49
Եվրամիությունը պատրաստվում է պատժամիջոցներ սահմանել Բելառուսի տասնյակ պաշտոնատար անձանց և պետական գերատեսչությունների, այդ թվում՝ ՆԳ նախարար Յուրի Կարաևի նկատմամբ։ Այս մասին գրում է DW-ի ռուսական ծառայությունը՝ վկայակոչելով Reuters-ը։
Քննարկումներին տեղյակ դիվանագետները գործակալությանն ասել են, որ «սև ցուցակում», ընդհանուր առմամբ, 31 պաշտոնյա և գերատեսչություն կլինի։
«Նախապես համաձայնեցվել էր 14 անուն, սակայն բազմաթիվ պետություններ կարծում են, որ դա բավարար չէ։ Հիմա մենք համաձայնության ենք հասել ևս 17-ի հարցով»,- ասել են գործակալության զրուցակիցները։
Պատժամիջոցների մասին որոշումը կարող է ընդունվել սեպտեմբերի 21-ին, ԵՄ անդամ պետությունների ԱԳ նախարարների հանդիպման ժամանակ։
Միաժամանակ, այսօր հայտնի դարձավ, որ Մինսկի կենտրոնում առևանգել են Ընդդիմության համակարգող խորհրդի անդամ Մարիա Կոլեսնիկովային։ Գործչի հեռախոսահամարը նախ անհասանելի է եղել, իսկ հիմա նա չի պատասխանում զանգերի։
Լիտվայի ԱԳ նախարար Լինաս Լինկյավիչուսը Մինսկին կոչ է արել անհապաղ ազատ արձակել Մարիա Կոլեսնիկովային։
«Բելառուսի ժողովրդի հետ երկխոսելու փոխարեն՝ հեռացող ղեկավարությունը փորձում է մեկը մյուսի հետևից ցինիկաբար ոչնչացնել։ Մինսկի կենտրոնում Կոլեսնիկովայի առևանգումն ամոթ է։ Ստալինյան մեթոդները կիրառվում են 21-րդ դարի Եվրոպայում»,- Twitter-ում գրել է լիտվացի պաշտոնյան։
Մինսկի ոստիկանությունից, սակայն, լրատվամիջոցներին ասել են, որ իրավապահները տեղեկություններ չունեն Մարիա Կոլեսնիկովայի և Ընդդիմության համակարգող խորհրդի մյուս անդամների ձերբակալության մասին։
