29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Կեղծված սննդամթերք արտադրելը կամ իրացնելը կպատժվի տուգանքով․ պատգամավորների առաջարկը. ՏԵՍԱՆՅՈՒԹ
Հասարակություն
07.09.2020 | 11:58
ԱԺ պետաիրավական հարցերի մշտական հանձնաժողովում քննարկվում է Հայաստանի Հանրապետության քրեական օրենսգրքում փոփոխություններ և լրացում կատարելու մասին օրենքի նախագիծը:
Զեկուցող, ԱԺ պետաիրավական հարցերի մշտական հանձնաժողովի անդամ, «Իմ քայլը» խմբակցության պատգամավոր Արթուր Դավթյանի խոսքով՝ առաջարկվող օրենսդրական փոփոխությունը բխում է նաև առկա իրադրությունից՝ կապված վերջերս կեղծ ալկոհոլից թունավորման մի քանի դեպքերի հետ:
«Քրեական օրենսգրքի համապատասխան հոդվածով նախատեսվում է պատասխանատվության ենթարկել կեղծ ալկոհոլ արտադրելու և իրացնելու համար, սակայն սննդամթերքի վերաբերյալ Քրեական օրենսգիրքը նման դրույթ չի պարունակում, ինչը բացթողում է, ուստի մենք ձեռնամուխ եղանք այս փոփոխության առաջարկին»,- նշեց Արթուր Դավթյանը՝ հավելելով, որ առաջարկվող փոփոխությամբ նախատեսվում են խիստ պատժամիջոցներ, ինչը հիմք կհանդիսանա, որ կեղծ սննդամթերք չարտադրվի, և ՀՀ-ում արտադրվող սննդամթերքի որակը կբարձրանա:
Քրեական օրենսգրքի 212-րդ հդվածում նախատեսվում է հետևյալ փոփոխությունները. սննդամթերք արտադրող կամ իրացնող կամ բնակչությանը ծառայություններ մատուցող անձանց կողմից առևտրի, ծառայությունների լորոտում կամ սննդամթերքի արտադրության փուլում կեղծված սննդամթերք արտադրելը կամ իրացնելը պատժվում է տուգանքով՝ նվազագույն աշխատավարձի երկուհարյուրապատիկից հինգհարյուրապատիկի չափով։ Սույն հոդվածի 5-րդ մասով նախատեսված արարքը, որն անզգուշությամբ առաջացրել է մարդու մահ` պատժվում է ազատազրկմամբ` երեքից հինգ տարի ժամկետով։
Մանրամասները՝ տեսանյութում:
