18.11.2024 | 16:27
Աբխազիայի խորհրդարանը հայտարարել է ընդդիմության հետ բանակցություններում առաջընթացի մասին
Մագիստրատուրայում պրակտիկայի ներմուծում, օգնության ինստիտուտ՝ կարիք ունեցողներին․ ի՞նչ փոփոխություններ են կատարվել ԵՊՀ-ում. ՏԵՍԱՆՅՈՒԹ
Հասարակություն
02.09.2020 | 13:41
Երևանի պետական համալսարանի ռեկտորի պաշտոնակատար Գեղամ Գևորգյանն այսօր ասուլիսի ժամանակ ներկայացրեց, թե ինչ փոփոխություններ են կատարվել վերջին տարվա ընթացքում։
Ըստ Գևորգյանի՝ սահմանվել է դասախոսների կոմպետենցիաները: «Այսինքն՝ դասընթացը, որ ձևակերպում ենք, ոչ միայն գրված է, թե ծրագին ինչ է, ուսանողն ինչ պետք է անի, այլ նաև, որ դասախոսն իրավունք ունի այդ առարկան դասավանդելու, ինչ կարողություններ նա պետք է ունենա, որպեսզի իրավունք ունենա դասավանդելու»,- նշեց Գևորգյանը։
Հաջորդ փոփոխությունը՝ ուսումնական ծրագրում հետազոտական բաղադրիչի ներմուծումն է․ «Նախորդ հավատարմագրման ընթացքում մեր բացասական կետը եղել էր այն, որ մեր կրթական ծրագրերում բացակայում է հետազոտական բաղադրիչը։ Այժմ բոլոր կրթական ծրագրերում առկա է այն»։
Մյուս փոփոխությունները վերաբերում են մագիստրատուրայում պրակտիկայի ներմուծմանն ու ներառականությունն ապահովելու նպատակով օգնողի ինստիտուտի ներդրմանը։
Մանրամասները՝ տեսանյութում։
