19.03.2026 | 21:40
450,000 մարդ. 2025 թվականին ռեկորդային թվով զբոսաշրջիկներ են այցելել Անի
Եթե նախարարն ասում է, ուրեմն թերացել է. Դավիթ Տոնոյանը՝ Հայկազ Բաղմանյանի պաշտոնանկության մասին
Քաղաքականություն
06.12.2017 | 16:55
Արտակարգ իրավիճակների նախարար, Պաշտպանության նախկին փոխնախարար Դավիթ Տոնոյանը դժվարանում է մեկնաբանել ՀՀ ԶՈւ ԳՇ պետի նախկին տեղակալ Հայկազ Բաղմանյանի պաշտոնանկությունը:
«Ճիշտ է՝ ես նրա հետ ծառայել եմ, բայց նրա պաշտոնանկության հետ կապված կարծիք չունեմ, որովհետև դա նախագահի որոշումն է», – պատասխանելով Factor.am-ի հարցին՝ ասաց Տոնոյանը։
Դիտարկմանը, թե Վիգեն Սարգսյանը հայտարարել էր, որ Բաղմանյանը պաշտոնից ազատվել է աշխատանքում թերացումների պատճառով, Տոնոյանը պատասխանեց. «Եթե Վիգեն Սարգսյանը այդպիսի հայտարարություն է անում, ուրեմն այդպես էլ եղել է»։ Մեր հարցին՝ իրենց միասին ծառայելու տարիներին Հայկազ Բաղմանյանի աշխատանքի հետ կապված թերացումներ նկատե՞լ է, պաշտպանության նախկին փոխնախարարն արձագանքեց. «Այդ փուլում՝ ոչ»։
Մանրամասները՝ տեսանյութում:
