10.08.2026 | 13:59
Շահանե Մնացականյանը նշանակվել է ՀՀ առողջապահության նախարարի տեղակալ
Ռուստամ Բադասյանը աչքերը փակում է ՔԿՀ-ներում տեղի ունեցող արտառոց դեպքերին․իրավապաշտպան. ՏԵՍԱՆՅՈՒԹ
Հասարակություն
26.08.2020 | 13:28
Արդարադատության նախարար Ռուստամ Բադասյանն աչքերը փակում է և չի տեսնում, թե ինչ է տեղի ունենում քրեակատարողական հիմնարկներում։ Այս մասին այսօր «Միջադեպ «Նուբարաշեն» ՔԿՀ-ում. համաչափ ուժի կիրառո՞ւմ, թե՞ խոշտանգում» թեմայով քննարկման ժամանակ ասաց «Լրագրողներ հանուն մարդու իրավունքների» ՀԿ-ի նախագահ Ժաննա Ալեքսանյանը։
«Երբ տեղի ունեցավ փետրվար ամսին Վահագն Աբգարյանի նկատմամբ մահափորձը, մի անգամ վարչապետը հարցրե՞ց գլխավոր դատախազին՝ այդ արտառոց դեպքը, որ տեղի է ունեցել, ի՞նչ ընթացք է ստացել։ Ինչպե՞ս հավատալ, որ հիմա, երբ նյութեր են նախապատրաստում, երբ այդ դեպքով ո՛չ կասկածյալ կա, ո՛չ մեղադրյալ կա։ Այսինքն՝ մեռած է այդ գործը, դա գլխավոր դատախազին պետք չի։ Երբ բռնությունը տեղի է ունենում և 1 ժամ հետո արդարադատության նախարարությունը հայտարարություն է տարածքում, որ համաչափ ուժ է կիրառվել, ապշում եմ։ 28-ամյա Ռուստամ Բադասյանը պետք է խորշեր բռնությունից, պետք է ընդվզեր բռնության դեմ, մերժեր, և նա, փաստորեն աչքերը փակում է, թե ինչ է տեղի ունենում ՔԿՀ-ներում»,- նշեց Ալեքսանյանը։
Մանրամասները՝ տեսանյութում։
