04.08.2026 | 17:45
ՀԷՑ-ի կառավարումը տապալել եք, եկել «Հայփոստ»-ի կառավարումից եք խոսում. Արուսյակ Մանավազյան. ՏԵՍԱՆՅՈՒԹ
Հավակնոտ ծրագրի խղճուկ իրագործում. Համահայկական բանկի տխուր ոդիսականը
Տնտեսություն
05.12.2017 | 19:50
Հայաստանում ներդրումների խթանման նպատակով ստեղծվում են տարբեր ակումբներ, հիմնադրամներ: Մի քանի տարի է, ինչ գործում է նաև բավականին բարեհունչ անվանումով կենտրոն՝ Համահայկական բանկ, որը պետք է աշխարհասփյուռ հայության հետ աշխատեր և ներդրումներ բերեր Հայաստան:
2008 թվականի հայտնի ուղերձում նախագահ Սերժ Սարգսյանի՝ հայաստանցիների կյանքը փոփոխելուն միտված երեք հզոր նախաձեռնություններից մեկը սա էր: Համահայկական բանկը ստեղծվեց 2011 թվականին, սակայն չկարողացավ աշխատել այն չափով, ինչպես որ խոստացվում էր: Իսկ 2017 թվականին էլ այն վերափոխվեց ներդրումային ֆոնդի: Գոյության 6 տարիներին Համահայկական բանկը տեղաբաշխեց ընդամենը 5.5 մլրդ դրամ, կնքեց ընդամենը 2.5 տասնյակ վարկային պայմանագիր, որոնց մի մասը վաղաժամկետ լուծարվել են՝ ներդրումային իրավիճակի պատճառով:
Եվ սա՝ «Դուինգ բիզնեսի» ներկայացվող ցուցանիշներով Հայաստանի ներդրումային միջավայրի փայլուն ֆոնին:
Ի սկզբանե՝ այնքան խուստումնալից ներկայացվող այս ծրագրի անհաջողության պատճառը մեծավմասամբ կապված է հենց Հայաստանի անբարենպաստ գործարար միջավայրի հետ, որտեղ այսօր մեկը մյուսի հետևից բիզնեսներ են փակվում, սնանկանում են բազմաթիվ ընկերություններ: Արդյունքում մատնվելով պարապուրդի՝ բանկը միայն վնաս տվեց՝ հաշվի առնելով կառույցի վրա ծախսված հսկայական գումարը:
Սերժ Սարգսյանի կողմից դեռևս 2008 թվականին նախաձեռնված երեք խոշոր ծրագրերից Համահայկական բանկի ստեղծումը միակն է, որը ֆորմալ առումով իրականացավ: Ի հակառակ խոստացածի՝ այն, սակայն, որևէ մեծամասշտաբ ծրագիր կյանքի չկոչեց և շոշափելի արդյունք չունեցավ:
Մանրամասները՝ տեսանյութում:
Սևակ Հակոբյան
