07.06.2026 | 20:22
2/12 տեղամասում քաղաքացին դուրս էր հանում քվեաթերթիկները՝ չկողմնորոշվելով, թե որտեղ թողնի դրանք․ ՏԵՍԱՆՅՈՒԹ
Ալեքսեյ Նավալնիին թույլ չեն տալիս տեղափոխել Գերմանիա, նրա օրգանիզմում վտանգավոր թույն է հայտնաբերվել․ Յարմիշ. ՏԵՍԱՆՅՈՒԹ
Քաղաքականություն
21.08.2020 | 10:37
Բժիշկները թույլ չեն տվել, որ ռուս ընդդիմադիր գործիչ Ալեքսեյ Նավալնին, որը երեկ առավոտվանից գտնվում է կոմայի մեջ, տեղափոխվի Գերմանիա՝ հետազոտության։ Նրանց պնդմամբ՝ Նավալնին այս պահին տեղափոխման ենթակա չէ. տեղեկացնում է DW-ին:
Շտապօգնության հիվանդանոցի գլխավոր բժիշկը, որտեղ կյանքի համար պայքարում է Նավալնին, կարծիք է հայտնել, որ Նավալնիի վիճակը կայուն չէ։
Նավալնիին Օմսկից Բեռլին տեղափոխելու նպատակով ավելի վաղ Գերմանիայի Նյուրնբերգի օդանավակայանից հատուկ ինքնաթիռ էր ժամանել Օմսկ։
Ծանր վիճակում գտնվող Նավալնիի տեղափոխման արգելքի կապակցությամբ վերջինիս մամուլի քարտուղար Կիրա Յարմիշը դիմել է ՄԻԵԴ։ Նա պնդել է, որ տեղափոխության գործընթացի ձգձգումը կարող է անդառնալի վնաս հասցնել Նավալնիի առողջությանը և կյանքին։
Նավալնիի խոսնակը նաև թվիթերում գրառում է կատարել՝ նշելով, որ կոռուպցիայի դեմ պայքարի հիմնադրամի ղեկավար Իվան Ժդանովը լրագրողներին ասել է, թե ոստիկանության աշխատակիցը հիվանդանոցում հայտնել է, որ Նավալնիի օրգանիզմում հայտնաբերվել է թույն, որը վտանգավոր է ոչ միայն նրա համար, այլև նրա շրջապատի։ Թույնի անվանումը չեն հայտնում, քանի որ քննության քաղտնիք է։ Առայժմ բժիշկները չեն արձագանքում այս հայտարարությանը։
